Скачать или смотреть Murungaikai Vatha Kuzhumbu - முருங்கைக்காய் வத்தக்குழம்பு

#முருங்கைக்காய்_வத்தக்குழம்பு#

#தஞ்சாவூர்_ஸ்பெஷல்_ரெசிபி#

வற்றல் குழம்பு நாம், நம் சமையலில் பலவகையில் செய்திருப்போம். முருங்கைக்காய்யிலும் சிலர் செய்திருப்பார்கள். தஞ்சாவூர் முறையில் செய்யப்படும் இதில் விசேஷம் என்னவென்றால் கடைசியில் துவரம் பருப்பையும் சீரகத்தையும் வெறும் வாணலியில் வறுத்து பொடித்துச் சேர்ப்பது. மிகவும் ருசியான அனைவருக்கும் பிடித்த சுவையாக இது இருக்கும்.

வாருங்கள் இதை எப்படி செய்வது என்று பார்ப்போம்.

தேவையான பொருட்கள் :-

1 முருங்கைக்காய்
2 1/2 ஸ்பூன் சாம்பார் பொடி
1 ஸ்பூன் துவரம்பருப்பு
1/2 ஸ்பூன் சீரகம்
மீடியம் எலுமிச்சை அளவு புளி
2 டேபிள்ஸ்பூன் நல்லெண்ணை
1 ஸ்பூன் கடுகு
1/4 ஸ்பூன் வெந்தயம்
1 காய்ந்த மிளகாய
சிறிது வெல்லம் விருப்பப்பட்டால்.
கொண்டைகடலை அளவு பெருங்காயம்
கல்லுப்பு தேவைக்கேற்ப
கறிவேப்பிலை

செய்முறை :-

துவரம் பருப்பையும், சீரகத்தையும் வெறும் வாணலியில் போட்டு சிவக்க வறுத்து, மிக்ஸியில் நன்கு பொடித்து வைத்துக் கொள்ளவும்.

வாணலியில் 2 ஸ்பூன் நல்லெண்ணெய் விட்டு, காய்ந்தவுடன் கடுகு கால் ஸ்பூன் வெந்தயம், ஒரு காய்ந்த மிளகாய் கிள்ளிப்போட்டு, கறிவேப்பிலை சேர்த்து, முருங்கைக்காயை போட்டு சிறிது உப்பு மஞ்சள் பொடி போட்டு (கொஞ்சமாக முருங்கைக்காய்க்கு மட்டும் உப்பு போடவும்), கொஞ்சமாக தண்ணீர் விட்டு மூடி போட்டு வேக வைக்கவும்.

புளியை ஊறவைத்து நன்கு ஒரு பாத்திரத்தில் கரைத்து, அதனுடன் சாம்பார் பொடி, உப்பு, பெருங்காயம் சேர்த்து கரைத்து வைத்துக் கொள்ளவும்.

முருங்கைக்காய் ஓரளவு வெந்தவுடன் கரைத்து வைத்துள்ள புளித்தண்ணீரை விடவும்.

புளி மற்றும் சாம்பார் பொடி வாசனை போனவுடன், குழம்பு கொஞ்சம் நீரக்க இருக்கும் போதே இந்த பொடியை போட்டு கலக்கி உடனே ஆஃப் பண்ணி விடவும்.

குழம்பு ரொம்ப திக்காக வைத்து இந்த பொடியை போட்டால் ரொம்ப கெட்டியாகிவிடும். ஆகையால் கொஞ்சம் தண்ணியாக இருக்கும்போது டேஸ்ட் பார்த்து, பொடி போட்டு ஆஃப் பண்ணி சரியான கன்சிஸ்டன்ஸி வைப்பதில்தான் சிகரெட் இருக்கு.

அட்டகாசமான தஞ்சாவூர் ஸ்பெஷல் முருங்கைக்காய் வத்த குழம்பு ரெடி. சுட்ட அப்பளம், தயிர் பச்சடி, டாங்கர் பச்சடி, நல்ல காம்பினேஷன்.

நீங்களும் செய்து பார்த்துவிட்டு உங்கள் கருத்தினை கூறவும்.

ஸ்பெஷல் தேங்க்ஸ் என்மனைவி சுஜாவிற்கு.

⚘⚘🙏நன்றி🙏⚘⚘

#Chandoos_Kitchen#