2018 කලඑලි මංගල්‍යය මූලික චාරිත්‍ර විධි රටාව

උඩරට නර්තන සම්ප්‍රධාය හදාරන ආධුනික නර්තන ශිල්පියෙකු ප්‍රවීණයෙකු බවට පත් වන්නේ හිස වෙස් තැබීමෙන් අනතුරුව ය. 1930 දශකය පමණ වන තෙක් මෙලක පැවතියේ ගුරු ගෙදර සම්ප්‍රදායකි.රැය පහන් වන තුරා ගුරුවරයා සමීපයේ සිට ඉගෙන ගත් කොහොඹා කංකාරියක දක්නට ලැබෙන සියලු නර්තන ගායන වාදන නාට්‍යමය අවස්ථා නරඹන්නන් පිරිස අභිමුව ඉදිරිපත් කිරීමට අලුත වෙස් බැඳි ශිල්පියාට සිදු වේ.
නමුත් පාසල්, විශ්ව විද්‍යාල, උපකාරක පන්ති කලාව බිහි වීමත් සමඟ මේවායෙහි බොහෝ වෙනස් කම් සිදුවිය.
කාලානුරූපව සාම්ප්‍රදායික වෙස් මංගල්‍යයක් පැවැත්වීම අසීරු වුවත් එකී අභියෝගට සාධාරණයක් ඉටු කිරීමට මා උත්සාහ කළෙමි.
මෙම video ව තුළ හිස වෙස් තැබීමේ මංගල්‍යයක දක්නට ලැබෙන සියලු ම පූර්ව චාරිත්‍ර ධර්ම විස්තරාත්මකව ඉදිරිපත් කොට ඇත.
විශේෂයෙන් පාසල් යන නර්තනය හදාරන දරුවන් ට මෙය බොහෝ වැදගත් වේ