Скачать или смотреть MGA NOTORIOUS AT KINAKATAKUTANG DRUGLORD NG CEBU

Si Jeffrey Diaz, o mas kilala sa alyas nitong Jaguar ay isinilang sa Barangay Duljo, Fatima sa Cebu City noong dekada sisenta, hinubog ng kahirapan ang kanyang kabataan. Sa murang edad, hinangad na niyang mabago ang takbo ng kanyang buhay para sa mas maliwanag na kinabukasan. Sa kanilang pamilya, si Jaguar ay ikalawa sa pitong magkakapatid. Ang kanilang buhay ay simpleng-simple lamang – ang ina ay nagtitinda ng mga prutas tulad ng manga sa tabi-tabi, samantalang ang kanyang ama ay nagtatrabaho sa isang shipping company upang mapanatili silang may laman ang tiyan araw-araw. Ang bawat araw ay may kasamang pag-asa at saya para kay Jaguar at sa kanyang mga kaibigan. Isa si Victor Yap sa mga kaibigan niya na nagbalik-tanaw sa kanilang magagandang alaala. Kwento niya si Jeffrey Diaz daw ay talagang masayahin at mabait, katunayan, noong sila ay mga batang sampung taong gulang, sila ay naging sacristan o altar boys sa Archdiocesan Shrine of San Nicolas de Tolentino. Ang kanilang pagsisilbi sa simbahan ay hindi lamang isang karangalan kundi patunay rin sa kanilang malasakit sa komunidad. Madalas din nakikipaglaro si Jeffrey Diaz sa kaniyang mga kaibigan ng basketball. Gayunpaman, ang lahat ng ito ay nagbago nang biglaang magdesisyon si Jaguar na itigil ang kanyang pagaaral matapos niyang tapusin ang elementarya dahil sa tindi ng kahirapan.

Si Franz Sabalones, na tubong San Fernando sa timog-silangang Cebu na nakasuot ng simpleng puting T-shirt, itim na maong, at may suot na ball cap, ay tila isang pangkaraniwang sumuko sa droga nang kanyang iwinagayway ang puting bandila sa harap ni dating (PNP)Director General Ronald 'Bato' Dela Rosa noong August 9, 2016 sa Camp Crame. Sa araw na iyon, ilang buwan matapos maupo sa opisina ng pagkapresidente si Rodrigo Duterte at ideklara ang madugong laban kontra ilegal na droga, inamin ni Franz Sabalones, na siya ay isa sa mga nangungunang personalidad ng droga sa Cebu. Inilahad din niya na siya ang humawak ng operasyon sa ilegal na droga ng pinaslang na druglord na si Jeffrey 'Jaguar' Diaz. Ang pag-amin ni Franz ay hindi lamang ikinagulat ng komunidad ng Cebu kundi pati na rin ng buong bansa, lalo na nang simulan niyang ikuwento kung paano siya naging isa sa pinakamalaking supplier ng ilegal na droga sa probinsya mula sa pagiging isang traffic enforcer sa Cebu City. Katunayan, siya pala ang tinaguriang number 2 most wanted druglord ng Central Visayas kasunod ng numero uno na si Jeffrey Diaz alyas Jaguar.

Rowen Torrefiel Secretaria, o mas kilala sa tawag na "Alyas Yawa, o sa tagalog alyas Demonyo" ay naging bantog sa Bohol bilang isa sa mga pinakamalalaking druglords sa rehiyon at itinuturing na pinakabatang drug lord sa Bohol. Ang kanyang pagkatao bilang Secretaria ay unang nadiskubre nang ituro siya ng ilang mga tulak na naaresto sa kanyang mga teritoryo, lalo na sa mga lugar ng Ermita at Pasil sa siyudad ng Cebu. Hindi nagtagal, naging tanyag na si Secretaria sa hanay ng mga alagad ng batas. Siya ay itinala bilang third most wanted sa Cebu City, kung saan siya ay kasabay na ng iba pang kilalang kriminal gaya ni alyas Jaguar. Dahil sa pagiging mainit ng kanyang pangalan sa mga pulis sa Cebu, nagdesisyon si Secretaria na magtago sa Bohol. Dito siya pansamantalang nanirahan kasama ang kanyang tiyahin na si Consorcia Reyes Secretaria, na mas kilala bilang Alyas Siang. Sa pagkubli sa maliit na isla, hindi nagpatinag si Secretaria at dito niya ipinagpatuloy ang kanyang illegal na negosyo. Dahan-dahan itong lumago, at sa kanyang pag-angat, nabuo ang kanyang bagong alias bilang "Alyas Yawa." Inabot ng ilang panahon bago natukoy ng mga otoridad na iisa lang si Alyas Yawa at Secretaria.

Ipinanganak si Tata N3gro noong September 13, 1974 tubong Cebu sa Sitio Kawayan, Barangay Sambag dos. Sa kanilang pamilya, siyam silang magkakapatid at pang-pito siya. Bagamat marami sila at mahirap na pamilya, binubuhay naman sila ng kanilang masipag at responsableng ama,na si Noy Seniong. Nagtitinda ito ng saging, gulay, at iba't ibang produkto sa Carbon Public Market.

Peter Go Lim, isang Cebuano-Chinese businessman na nakabase sa Cebu, na itinuturing na isa sa mga pinakamalaking isda sa larangan ng bentahan ng illegal na droga na miyembro umano ng Chinese triad na nakabase ang operasyon sa Visayas. Ang kanyang pangalan ay lumutang sa media matapos siyang direktang pangalanan ni Pangulong Duterte bilang pangunahing pinagmumulan ng illegal na droga. Sa simula, si Peter Lim ay kinilala bilang alyas "Jaguar," ngunit kalaunan ay nalaman na iba ang tunay na "Jaguar," na isa ring kilalang personalidad sa iligal na kalakalan at ito nga si Jeffrey Diaz na napaslang mula sa operasyon ng mga pulis sa Las Pinas noong June 18 2016. Si Lim, kasama ang kanyang kapatid, ay napabalitang tagasuporta ng kampanya ni Pangulong Duterte noong 2016. Kasama rin si Lim sa order of battle ng Philippine Drug Enforcement Agency.

True Crime Tagalog | Tagalog Crime Stories