Скачать или смотреть 1 February 2026

#ShivaParvati
#ShivShakti
#HarHarMahadev
#OmNamahShivaya
#AdiYogi
#Mahadev
#ParvatiMata
#GauriShankar
#umamaheshwara

ಅಕ್ಕ ಕೇಳೆ ನಿನ್ನ
ತಪಸಿಯರೊಳಗೊಬ್ಬ ಮುಕ್ಕಣ್ಣಗೀವರಂತೆ
ಮೂರ್ಖನೋ ಗಿರಿರಾಜ
ವಿಗಡ ಮುನಿ ಮಾತ
ಲೆಕ್ಕಿಸಿ ಮದುವೆಯ ಮಾಡಿಕೊಡುವನಂತೆ ||ಪ||

ತಲೆಯೆಲ್ಲಾ ಜಡೆಯಂತೆ
ಅದರೊಳಗೆ ಜಲವಂತೆ
ತಿಲಕ ಫಣೆಗೆ ಬಾಲಚಂದ್ರನಂತೆ |
ಹೊಳೆವ ಕಿಡಿಗಣ್ಣಂತೆ ನಂಜುಗೊರಳನಂತೆ
ಸಲೆರುಂಡ ಮಾಲೆಯ
ಸರವ ಹಾಕಿಹನಂತೆ ||1||

ಉರಗಭೂಷಣನಂತೆ ಭಸ್ಮಲೇಪನನಂತೆ
ಕರಿಯ ಚರ್ಮಾರಂಬರದುಡುಗೆಯಂತೆ |
ತಿರಿದು ತಿಂಬುವನಂತೆ
ಬಿಳಿಯ ಮೈಯವನಂತೆ
ನಿರುತ ಡಮರು ಬಾರಿಸುವ ಜೋಗಿಯಂತೆ ||2||

ಹಡೆದವಳಿಲ್ಲವಂತೆ
ಎತ್ತನೇರುವನಂತೆ
ಅಡವಿ ಗಿರಿಗಳಲಿ ಇಪ್ಪನಂತೆ |
ಒಡನೆ ಪುಲಿದೊಗಲದ
ಹಾಸಿಗೆ ಇಹುದಂತೆ
ನುಡಿಗೊಮ್ಮೆ ರಾಮ
ರಾಮ ಸ್ಮರಣೆಯಂತೆ ||3||

ಮಾರನಾ ರಿಪುವಂತೆ
ಐದು ಮೋರೆಗಳಂತೆ
ಆರು ಇಲ್ಲದ ಪರದೇಶಿಯಂತೆ |
ಧಾರುಣಿಯೊಳು ಮಹಿಪತಿಸುತ
ಪ್ರಭು ಭವತಾರಕ ಶಿವನೆಂದು
ಮೊರೆಯ ಹೊಗಬೇಕಂತೆ ||4||