Скачать или смотреть Rep. Brosas, sinabing dapat malinis ang track record sa public service para maging lider ng oposisyo

‘Dapat malinis ang track record sa public service.’

Naghayag ng kanyang reaksyon si GABRIELA Party-list Rep. Arlene Brosas kaugnay sa pronouncement kay Vice Pres. Sara Duterte bilang bagong lider ng oposisyon matapos bumitiw sa Gabinete sa administrasyong Marcos noong Miyerkules, June 19.

Ayon kay Brosas, malinaw umano na hindi pasok sa mga criteria bilang opposition leader si Duterte kung saan iniugnay niya ang pagwaldas ng bise sa confidential funds sa loob lamang ng 11 araw at ang pangre-red-tag niya sa mga representative ng Makabayan bloc at ng iba pang progresibong organisasyon.

“Para maging opposition leader ka, dapat malinis ang track record sa public service. Nagsusulong ng karapatang pantao, tapos tunay na kumakatawan ng ordinaryong Pilipino. Malinaw na hindi pasok si Vice President Sara Duterte [r]ito a mga criteria na ito bilang opposition leader,” ani Brosas.

“Plus, alam natin na malinaw na red-tagger siya. Kaya kung meron man siyang ipagmamalaki na accomplishment, wala ‘yun,” dagdag niya.

Iginiit din ni Brosas na wala sa interes kampo ng Duterte at Marcos ang pagtataguyod ng karapatan ng mamayan. Pinapakita lamang umano ng dalawang panig kung gaano karumi ang politika sa Pilipinas. #News5 | via Marianne Enriquez

For more latest stories, visit us at www.news5.com.phFollow News5 and stay updated with the latest stories!

  / news5everywhere  
  / news5ph  
  / news5everywhere  
  / news5everywhere  
🌐 https://www.news5.com.ph