“Tərtər işi”: Mais Bərxudarov vəzifəsindən azad edildi, Əliyev Putinlə görüşəcək – GÜNÜN İCMALI

• II ordu korpusunun komandiri general-leytenant Mais Bərxudarov vəzifəsindən azad edilib.

• Milli Məclisin 43 deputatı xarici işlər naziri Ceyhun Bayramova müraciət edərək onu ABŞ-la münasibətlərə yenidən baxılması və müdafiə sahəsində əməkdaşlığa dair sazişləri denonsasiya etməyə çağırıblar.
•
1 saylı Bakı İstintaq Təcridxanasının rəisi Elnur İsmayılov oktyabrın 4-də I qrup əlil Famil Xəlilovun saxlandığı kameraya gələrək ona yazılı tərifnamə təqdim edib, Xəlilovu digər məhbuslara nümunə göstərib.

• Rusiya prezidenti Vladimir Putin oktyabrın 8-də MDB Dövlət Başçıları Şurasının iclasından əvvəl Azərbaycan prezidenti İlham Əliyev və Ermənistanın baş naziri Nikol Paşinyanla görüşəcək.

• Gürcüstanın hakim Gürcü Arzusu Partiyası prezident Salome Zurabişviliyə qarşı yenidən impiçment proseduruna başlayır.