Kumno ban pynbeit ksai ia ka duitara

Ha kane ka Video, nga pyni sha phi kumno ban pynbeit ksai ia ka duitara - kaba ka jingjngai jong ki ksai jong ka ki long katjuh- Da ka jingsngewthuh jong nga shimet.

Kiei kiba ngi dei ban leh haba pynbeit ksai ia ka duitara

1. Pyndonkam da ki notes ka tonic solfa (Standard Scale - C)
S, l, t, d r m f s l t d' r' m' f'

2.Pynioh ha lade ia ka jaka kaba ki shong ki notes ha ka duitara lane da kaba tem ia ki ksai jong ka kumba la batai ha ka video.

3. Kynmaw ha u ksai ba 4 ki don ki notes kiba jem. Ha u ksai ba 1 ki don ki notes kiba eh nangta ha u ba 2 bad ba 3 ki don ki notes kiba long pdeng(medium)

4. Lada tem ia u ksai:
ba 4 ngin ioh ia ki notes - S, l, t,
ba 3 ngin ioh ia ki notes- d r m f
Ba 2 ngin ioh ia ki notes - s l t
Ba 1 ngin ioh ia ki notes - d' r' m' f'

5. Haba pynbeit ksai pynioh tang ka sur u
d S, S d'

Kumno ban pynbeit-

(i) put ia u Master key ha u key - C sa pynbeit ia ka Sur u doh(d) ha u ksai ba 3
(lane)
Lada phim don ia u Master key. Shim da kano kano ka sur kaba phi kwah ban buh ia u doh jong phi.

(ii) yn da lah ioh ia ka sur u doh, na u doh pynbeit ia ka sur u S, ha u ksai ba 4

(iii) Na u doh pat sa pynioh ia ka sur u S ha u ksai ba 2

(iv) na u S - ksai ba 2 pynbeit ia ka Sur u doh(d') ha u ksai ba 1.

6. Hadien ba la ioh ia ka sur jong u d S, S d', pyrshang ban tem ia ka duitara ban peit lada ki notes baroh ki la ioh ne em ia ka sur jong ki. Lada baroh ki notes ki la ioh ia ka sur jong ki, kata ka mut ka duitara jong ngi ka la beit ki ksai.