Скачать или смотреть கலைஞரின் 100-வது பிறந்த நாளை முன்னிட்டு இலவச கண் சிகிச்சை மற்றும் பரிசோதனை முகாம்

முத்தமிழ் அறிஞர் டாக்டர் கலைஞர் அவர்களின் 100-வது பிறந்த நாளை முன்னிட்டு தருமபுரி கிழக்கு மாவட்ட கழகம் சார்பில் இலவச கண் சிகிச்சை மற்றும் பரிசோதனை முகாம் நடைபெற்றது.
முத்தமிழறிஞர் கலைஞர் அவர்களின் நூறாவது பிறந்த நாளையொட்டி தருமபுரி கிழக்கு மாவட்ட திமுக சார்பில் மாவட்ட பொருளாளர் தங்கமணி ஏற்பாட்டில் மதுரை அரவிந்த் கண் மருத்துவமனை மற்றும் தர்மபுரி ரோட்டரி சங்கம் இணைந்து இலவச கண் சிகிச்சை முகாம் நடைபெற்றது. கிழக்கு மாவட்ட செயலாளர் தடங்கம் சுப்ரமணி துவக்கி வைத்தார். இம்முகாமில் ஏராளமான பொதுமக்கள் கலந்து கொண்டு கண்புரை,
கிட்ட பார்வை ,துரப்பார்வை ,
மாலைக்கண் நோய் மற்றும் கண் குறைபாடுகள் சம்பந்தமான பரிசோதனை செய்து கொண்டனர்.
பரிசோதனை முடிவில் தேவைபடும் நபர்களுக்கு மேல்சிகிச்சை உள்ளிட்ட அனைத்து சிகிச்சைகளும் இலவசமாக அளிக்கப்படும். மேலும் முகாமில் கலந்து கொண்ட அனைவருக்கும் காலை சிற்றுண்டியை மாவட்ட செயலாளர் தடங்கம் சுப்பிரமணி வழங்கினார்.
இந்நிகழ்வில் நகர செயலாளர் நாட்டான் மாது, அவைத்தலைவர் செல்வராஜ், நகர்மன்ற தலைவர் லட்சுமி மாது, துணை தலைவர் நித்யா அன்பழகன், தகவல் தொழில்நுட்ப அணி மாவட்ட அமைப்பாளர் கொளதம், நகர்மன்ற உறுப்பினர்கள் சுருளிராஜன் காசிநாதன் மற்றும் கட்சியின் பொறுப்பாளர்கள் பெரியண்ணன் உட்பட ஏராளமானோர் கலந்து கொண்டனர் .
மேலும் இந்த முகாமில் தர்மபுரி சுற்றுவட்டாரத்தில் உள்ள அனைத்து கிராமங்களிலும் உள்ள முதியோர்கள் 500க்கும் மேற்பட்டோர் கண் சிகிச்சை முகாமில் கலந்து கொண்டு பயனடைந்தனர் ...