Скачать или смотреть नरखेड तालुका संगणक परिचालकांचा विविध मागण्यासाठी धरणे आंदोलन उदरनिर्वाहाच प्रश्न ऐरणीवर

संगणक परिचालकांचा विविध मागण्या साठी एक दिवसीय धरणे आंदोलन
संगणक परिचालकांच्या उदरनिर्वाहाच प्रश्न ऐरणीवर
तालुका प्रतिनिधी नरखेड
महाराष्ट्र राज्य संगणक परिचालक संघटना तालुका नरखेड जिल्हा नागपूर च्या वतीने गट विकास अधिकारी,पंचायत समिती नरखेड यांना विविध मागण्या संदर्भात निवेदन देण्यात आले. याशिवाय विविध मागण्या संदर्भात संगणक परिचालक पंचायत समिती कार्यालय नरखेड समोर एक दिवसीय लक्षवेधी धरणे आंदोलन करीत असून त्यांच्या मागण्या आपले सरकार सेवा केन्द्र प्रकल्पातील संगणक परिचालक यांची कंपनी करार रद्द झालेला असल्याने माहे ऑक्टोंबर 2025 पासुनचे मानधन अदा करणेबाबत मागणी होत आहे. तसेच प्रकल्प सुरळीत सुरू होतपर्यंत माहे फेब्रुवारी 2026 पासुनची पुढील मानधनाची जबाबदारी ग्रामपंचायत मार्फत रुपये 10000 प्रमाणे दरमाह घेणेबाबत ग्रामपंचायत मासीक सभेमध्ये ठराव घेवुन मानधनाची जबाबदारी घेण्यात यावी. व कोरोना काळातील प्रोत्साहन भत्ता शासन परिपत्रकानुसार मानधन / वेतन व्यतिरिक्त रूपये 1000 प्रमाणे देणेबाबत उल्लेख असुन उर्वरित 23 महिन्याचे प्रोत्साहन भत्ता बाकी असून तात्काळ अदा करण्याची शासनाकडे मागणी करण्यात येत आहे.
या मागण्या संदर्भात लक्षवेधी धरणे आंदोलन करण्यात आले. आमच्या मागण्या मान्य होईपर्यंत कामबंद आंदोलन हे सुरूच राहील व पुढील 15 दिवसात आमच्या मागण्या मंजुर न झाल्यास बेमुदत धरणे आंदोलन करण्यात येईल असे संघटनेची ठाम भूमिका आहे. ना.चंद्रशेखरजी बावनकुळे,महसुलमंत्री,आ.चरणसिंग
ठाकुर,अध्यक्ष सरपंच संघटना, ग्रामपंचायत अधिकारी संघटना, महाराष्ट्र राज्य संगणक परिचालक संघटना यांना निवेदन दिले आहे.
आंदोलनाप्रसंगी सामाजिक कार्यकर्ता दिलेश ठाकरे व सुनील मोहोड यांनी भेट दिली. व मागणी मंजुर करण्याकरीता गटविकास अधिकारी पंचायत समिती नरखेड यांनी लवकरच सर्व सरपंच व सचिवाची बैठक लावून समस्या सोडविण्याचे आश्वासन दिले.
यावेळी नितीन राऊत तालूका अध्यक्ष, हेमराज इंगळे तालुका उपाध्यक्ष, शैलेश सावरकर तालुका सचिव, पवन सोनोने कोषाध्यक्ष, सदस्यजगदीश जिचकार, मनीश मेंघल, श्रीकांत मानकर, हेमराज डाखोळे, हरीश बुटे, नितीन मानमोडे, संजय सलाम, तुषार पराते, मंगेश कण्हेर, हिराबाई बारमासे, मंदाताई बावणे,लीलाधर मोहोड उपस्थित होते.