Скачать или смотреть កុំយល់ចិត្តគេខ្លាំងពេក រហូតបាត់បង់ភាពជាខ្លួនឯង | Over-empathy

កុំយល់ចិត្តគេខ្លាំងពេក រហូតបាត់បង់ភាពជាខ្លួនឯង | Over-empathy

ពេលខ្លះដោយសារតែយើងខ្លាចខ្លួនឯងជាមនុស្សអាក្រក់ ខ្លាចគេមើលមកយើងថាជាមនុស្សអាត្មានិយម ពិបាកទំនាក់ទំនងគ្នាទើបយើងរៀន យល់ពីចិត្តអ្នកដទៃ។ ព្រោះ ការយល់ចិត្ត (Empathy) នេះ គឺជាសមត្ថភាពដ៏អស្ចារ្យរបស់មនុស្សជាតិ ដែលអនុញ្ញាតឲ្យយើងអាចចែករំលែកអារម្មណ៍ និងយល់ដឹងពីទស្សនៈ និងគំនិតរបស់អ្នកដទៃបាន។ វាជាគន្លឹះនៃទំនាក់ទំនងដ៏រឹងមាំ និងជាមូលដ្ឋានគ្រឹះនៃក្តីមេត្តាធម៌ផងដែរ។

ប៉ុន្តែ ប្រសិនបើការយល់ចិត្តនេះគ្មានព្រំដែនផ្ទាល់ខ្លួន ឬយើងប្រកាន់ខ្ជាប់ហួសកម្រិតខ្លាំងពេក វាអាចនឹងប្រែក្លាយពីចំណុចខ្លាំងទៅជាចំណុចខ្សោយដ៏គ្រោះថ្នាក់មួយ។ មនុស្សជាច្រើនបានធ្លាក់ចូលក្នុងអន្ទាក់នៃការព្យាយាមយល់ចិត្តអ្នកដទៃហួសហេតុ (Over-empathy) ដោយពួកគេខិតខំយកចិត្តអ្នកជុំវិញខ្លួនខ្លាំងពេក រហូតដល់លែងហ៊ានបង្ហាញភាពជាខ្លួនឯងពិតប្រាកដ។ ស្ថានភាពនេះនាំឲ្យពួកគេរស់នៅក្រោមរបាំងមុខមួយ គឺចាំតែធ្វើឲ្យអ្នកដទៃសប្បាយចិត្ត (People-pleasing) រហូតបាត់បង់អត្តសញ្ញាណដើមរបស់ខ្លួន ព្រមទាំងជួបប្រទះនូវភាពនឿយហត់ផ្នែកអារម្មណ៍ និងមានភាពតានតឹងក្នុងជីវិតផ្ទាល់ខ្លួនផងដែរ។

ហេតុដូច្នេះ តើបាតុភូតនៃការយល់ចិត្តហួសហេតុដែលនាំឲ្យរាំងស្ទះភាពជាខ្លួនឯងពិតប្រាកដនេះ មានឫសគល់មកពីណា និងមានផលវិបាកយ៉ាងណាខ្លះ? ហើយតើយើងត្រូវធ្វើយ៉ាងណាដើម្បីរក្សាតុល្យភាពរវាងការថែរក្សាអារម្មណ៍អ្នកដទៃ និងការគោរពតម្លៃខ្លួនឯង?
វីដេអូនេះឱ្យផ្ដល់នូវចម្លើយទាំងនេះទៅកាន់បងប្អូនអ្នកស្តាប់ទាំងអស់គ្នា។
............
00:00 ក្បាលវីដេអូ
01:30 និយមន័យ
03:41 មូលហេតុ
04:24 ប្រភេទមនុស្សដែលងាយជួបបញ្ហានេះ
07:20 ដំណោះស្រាយ
11:18 ទស្សនៈល្អៗដែលគួរស្តាប់