Скачать или смотреть “WAHAMIAJI HARAMU” WAKUTWA KWENYE GARI LA KUSAFIRISHA GESI

WATU watano raia wa Ethiopia wamekamatwa katika eneo la Tarakea wilaya ya Rombo mkoani Kilimanjaro katika mpaka wa Kenya na Tanzania kwa tuhuma za kuingia nchini bila ya kufuata taratibu wakiwa wamefichwa kwenye gari la kubeba gesi lenye namba a usajili ZG 8350 la nchini Zambia .

Tukio hili ni la pili katka kipindi cha wiki chache baada ya “Wahamiaji haramu” saba kutoka Ethiopia kukamatwa wakisafirishwa kwa gari la kifahari linalotajwa kumilikiwa na mmoja wa Wabunge ambapo dereva wa gari hilo alitoroka baada ya kugundua mtego uliokuwa umewekwa.

Ofisa Uhamiaji Mkoa wa Kilimanjaro, Kamishna Msaidizi Mwandamizi wa Uhamiaji, Fakih Nyakunga amesema wahamiaji hao walikamatwa wakiingia nchini kupitia Kituo cha Forodha cha Tarakea, wakiwa wamejificha chini ya lori la kusafirisha gesi, likitokea Kenya kuja nchini Tanzania.

Naykunga amesem maofisa wake wa kituo hicho cha forodha walifanya kazi ya ziada na kwa umakini kuchunguza kila gari linaloingia nchini na katika ukaguzi wao ndio wakabaini uwepo wa watu waliojificha chini ya lori hilo. Hivyo walipoamriwa kutoka, ndipo walibainika ni raia wa Ethiopia na hawakuwa na nyaraka yoyote.