FERRARI F80 l أقوى مارانيلو في التاريخ

FERRARI F80 l أقوى مارانيلو في التاريخ @V6_channelyoutube


السلام عليكم مشتركي و عشاق بوابة عالم المحركات الإسبوع لي فات كنا ديناكم في جولة عند العملاق البريطاني ماكلارين و حكينا على خليفة البي 1 لي هي الدابليو 1 و قلنا تاني بلي المنافسة تعها هي فيراري أف 250 لي كانو مزال ما علنوش عليها و اليوم علنو عليها

نبداو في الفيديو تعنا بما أنو رايحين نحكيو على أخر وحش تع فيراري ولى علامة كافالينو رامبانتي فيراري القصة تع العملاق الإيطالي مع السيارات الخارقة ما راهيش جديدة راهي قديمة و بعيدة بزاف وين البداية كانت في 55 بصح أول فيراراي بمحرك وسطي خلفي كانت في 1984 و السيارة 288 جي تي أو و في 87 جات واحدة من الأساطير تع الصح و لي شخصيا كانت تعجبني بزاف لي هي أف 40 لي كان فيها محرك تع نسخة الحلبات 288 جي تي أو إفوليزيوني النجاح تع فيراري في عالم السوبر كار خلاها تطرح الخليفة تعها لي هي أف 50 في 95 النجاح تعها خلا العملاق الإيطالي يطرح وحدة من السيارات لي نعتابرها فتنة في عالم التصميم و لي هي إنزو لي هو الإسم تع مؤسس شركة فيراري كان هادا في 2002 و طرحولها نسخة خاصة بالحلبات لي هي أف أكس أكس عمبالكم فيراراي يحبسو من الإبداع في 2013 طرحو البديلة تع الإنزو لي هي لا فيراري و طرحولها تاني زوج نسخ تع الحلبات لي هوما أف أكس أكس كاي و أف أكس أكس كاي إيفو و في السنوات الإخيرة ظهرو بزاف الفيديوات تع خليفة لا فيراري مع الكود تعها أف 250 وين الأغلبة شفنا الفيديوات و هوما يجربو فيها و هي مكاموفلية لحق النهار تع الكشف على الفاتنة الجديدة فيراري أف 80


ريحو معانا باش تكتاشفو كامل التفاصيل تع الوحش و السلاح لجديد تع فيراري

لحقنا لصح قلنا في البداية تع الحلقة بلي كاين حاجة مشتركة بين سيارة تع سباقات التحمل الفور عندرد نايتي نايت بي الحاجة المشتركة بيناتهم هي القلب قلب واحد يعني المهندسين تع فيراري جابو محرك لي ربح زوج مرات في سباق 24 ساعة لومان و حطوه في سيارة تع شوارع المحرك 3,0 لتر في سيكس لوفيرتور تاعو 120 درجة يعني قريب أبلا لي يولد قوة 662 كيلو وات لي هي 900 حصان مع ثلاثة محركات كهربائية واحد في الخلف لي يولد قوة 81 حصان و زوج في الامام لي يولدو قوة 142 حصان لكل واحد يعني قوة إجمالية تلحق ل 1200 حصان بمحرك 3,0 و 8750 دورة في الدقيقة مع عزم دوران تع 1137 نوتن متر و 5550 دورة في الدقيقة و سرعة قصوى تلحق ل 350 كم في الساعة التسارع من ال 0 ل 100 كم في الساعة في 2,15 تانية برك و من 0 ل 200 كم في الساعة في 5,75 ثانية يعني طيارة تع الصح

البطاريات لي فيها عبارة على بطاريات ليتيوم إيون تع 800 فولت و الوزن تعها قريب 40 كغ و غير بوكس روبوتيزي دويل كلاتش 8 غير


كملنا الفيديو تعنا نتمنى تمكونو استمتعتو و استافدتو معانا ما تنساوش الإعجاب بالفيديو و المشاركة مع صحابكم و قولونا رايكم في التعليقات

كان معاكم صاري محفوظ من قناة في سيكس نتلقاو في المواعيد القادمة إن شاء الله سلام


INSTAGRAM:
  / v6_channel  

TIK TOK :
  / v6channel  



#ferrarif80 #ferrarif80exhaust #ferrarif80sound #ferrarif80ontrack #ferrarif80interior #ferrarif80monza #ferrarif80review #ferrarif80concept #ferrarif80spider #ferrarif80tributo #ferrarif80conceptreallife #ferrarif80allocation #ferrarif80assettocorsa #ferrarif80acceleration #ferrarif80reallife #ferrarif80and #ferrarif80topspeed #ferrarif802025 #ferrarif80vslamborghiniterzomillennio #ferrarif80gta5 #hypercar #hypercarmeet #hypercarcrashes #hypercarrace #hypercarshow #supercardragrace #hypercarcrash #supercarsounds #supercaredit #hypercarcollection #supercarpov #hypercarsound #hypercarreviews #hypercardealership #hypercardragraces #hypercarand #hypercarandsupercar #hypercar #supercarsound #supercardriving #hypercarriding #supercar #supercargame #supercarvideo #supercarcartoon