Скачать или смотреть ប្រសាសន៍របស់ សម្ដេចហ៊ុន សែន អំពី តំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម CLV

#តំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម 🇰🇭🇱🇦🇻🇳
ផ្អែកតាមការចេញផ្សាយរបស់កាសែតរដ្ឋវៀតណាម VGP តំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ត្រូវបានបង្កើតឡើងក្នុងឆ្នាំ១៩៩៩ ដែលគ្របដណ្តប់ខេត្តចំនួន១៣នៃប្រទេសទាំងបី និងវិស័យសហប្រតិបត្តិការចំនួន៧។

ពីដំបូង តំបន់ត្រីកោណអភិវឌ្ឍន៍ មានខេត្តជាសមាជិកចំនួន១០ គឺ ខេត្តកង់ទុំ (Kon Tum) ខេត្តយ៉ាឡាយ (Gia Lai) ខេត្តដាក់ឡាក់ (Dak Lak) និងខេត្តដាក់ណុង (Dak Nong) (វៀតណាម) ខេត្តសេកុង (Sekong) ខេត្តអាត់តាពឺ (Attapu) និងខេត្តសាឡាវ៉ាន់ (Salavan) (ឡាវ) និងខេត្តស្ទឹងត្រែង រតនគិរី និងមណ្ឌលគិរី (កម្ពុជា)។
ចំនួនខេត្តជាសមាជិកបានកើនឡើងដល់១៣ខេត្ត បន្ទាប់ពីការទទួលយកខេត្តប៊ិញភឿក (Binh Phuoc) របស់វៀតណាម ខេត្តចំាប៉ាសាក់ (Champasak) របស់ឡាវ និងខេត្តក្រចេះរបស់កម្ពុជា ក្នុងឆ្នាំ២០០៩។

គម្រោងនេះមានគោលបំណងពង្រឹងសាមគ្គីភាព និងកិច្ចសហប្រតិបត្តិការរវាងប្រទេសទាំងបី ស្របពេលធានាសន្តិសុខ និងស្ថិរភាពនយោបាយ ព្រមទាំងលើកកម្ពស់ការកាត់បន្ថយភាពក្រីក្រ និងការអភិវឌ្ឍសេដ្ឋកិច្ចសង្គម នៅក្នុងតំបន់។
រហូតមកដល់ពេលនេះ វៀតណាមបានវិនិយោគលើគម្រោងចំនួន៤៩ នៅកម្ពុជា និងមានទុនវិនិយោគសរុបចំនួន ១,៦៣ពាន់លានដុល្លារអាម៉េរិក។ នៅក្នុងប្រទេសឡាវ វៀតណាមបានវិនិយោគលើគម្រោងចំនួន៦៧ និងមានទុនវិនិយោគសរុបតម្លៃ ១,៩៧ពាន់លានដុល្លារអាម៉េរិក។

ជាមួយគ្នានេះដែរ តំបន់ចំនួន៥របស់វៀតណាម នៅក្នុង តំបន់ត្រីកោណអភិវឌ្ឍន៍ បានទាក់ទាញគម្រោងវិនិយោគ ចំនួន២៣៣គម្រោង និងមានតម្លៃ ២,៣ពាន់លានដុល្លារអាម៉េរិក ពីប្រទេស និងដែនដីចំនួន២០៕