Скачать или смотреть Mkuu wa Usalama Barabarani Tanzania na Mkurugenzi Mkuu wa LATRA wafanya ukaguzi wa Mabasi | Iringa

Kamanda wa Jeshi la Polisi Kikosi cha Usalama barabarani Tanzania, SACP Ramadhan Ng'anzi akiambatana na Mkurugenzi mkuu wa Mamlaka ya Udhibiti Usafiri Ardhini (LATRA), Habibu Suluo, amefanya ziara ya ukaguzi maalum mkoani Iringa ambapo kamanda huyo ameridhishwa na Utendaji kazi wa Jeshi la Polisi kikosi cha usalama barabarani mkoani humo kwa kuendelea kudhibiti na kusimamia sheria za usalama barabarani.

"Tunakishukuru kikosi cha usalama barabarani mkoa wa Iringa kwa kuendelea kudhibiti na kusimamia sheria za usalama barabarani hususan kipindi hiki cha kuelekea mwishoni mwa mwaka, tunamshukuru kamanda na timu yake ambayo ni RTO, na wasaidizi wake kuhakikisha kipindi hiki cha Mwezi huu wa Kumi na mbili, mwezi wa kwanza mpaka tena Disemba nyingine tunakuwa salama mwaka mzima, tunawashukuru sana"

Katika ziara hiyo iliyofanyika kuazia majira ya alfajiri Disemba 24, 2023, Kamanda Ng'anzi kwa kushirikiana na Mkurugenzi mkuu wa LATRA pamoja na Kikosi cha Usalama barabarani mkoa wa Iringa wamepita stendi kuu ya mabasi Igumbiro kufanya ukaguzi wa madereva wawili wa magari ya safari ndefu namna wanavyobadirishana, upimaji Ulevi, uhakiki wa leseni na nyaraka za madereva, ukaguzi wa ubora wa magari, ukaguzi wa mifumo na utaratibu wa utoaji tiketi mtandao, ujazaji wa taarifa za chombo na abiria, usahihi wa viwango vya nauli pamoja na kutoa elimu kwa madereva na abiria juu ya uwajibikaji na kuzingatia sheria za usalama barabarani.

Lakini pia, wamepita katika vituo vidogo vya ukaguzi wa magari vilivyopo barabara kuu mkoani humo kukagua ubora wa Kamera, tochi na mifumo ya uendeshaji inayotumika kupima mwendo kasi na kubaini magari yenye madeni ikiwa ni sehemu ya utafiti ili baadae waje kufunga kamera za kisasa zaidi katika barabara kuu kutoka Dar es salaam mpaka Tunduma.

"Lengo letu la kufanya ukaguzi huu ni kuona ni maeneo gani ziku za usoni tutakuja tufunge kamera ambazo ni automatic za kudhibiti mwendo, kamera za kudhibiti mwendo zitaunganishwa katika akaunti za madereva au akaunti za wamiliki endapo watakuwa wamefanya kosa lolote la usalama barabarani kamera hizo zitachukua picha na kuzituma control room" - Amesema Kamanda Ng'anzi.

Subscribe (Focus Digito TV) ili usipitwe na Video mpya zinazotoka kila siku.

Focus Digito TV inakupa Maudhui Mazuri yanayohusu Habari, Elimu, Mitindo ya maisha, Michezo na Burudani.

Focus Digito TV is here to provide you with contents about News, Education, Lifestyles, Sports and Entertainments.

#FocusDigitoTV
..................
Tufuatilie Zaidi kupitia:
INSTAGRAM, TIKTOK, FACEBOOK, TWITTER (X), THREADS NA GOOGLE WEBSITE YETU YA FOCUS DIGITO TV

Focus Digito TV is one of the best info-edu-tainment Online Media conveying contents for the Public Interest.

Asante kwa kuchagua kutufuatilia | Thanks for Subscribing

We Love You | Tunakupenda
Regards
Team FocusDigitoTV