Скачать или смотреть အမှတ်စဉ်-၁၅ စေတသိက်ပိုင်း-၁ (စေတသိက်လက္ခဏာလေးပါးနှင့် သဗ္ဗစိတ္တသာဓာရဏစေတသိက် ၇ ပါး)

စေတသိက်လက္ခဏာ ၄ ပါး

၁။ ဧကုပ္ပါဒ = စိတ်နှင့်အတူ ဖြစ်ခြင်း၊
၂။ ဧကနိရောဓ = စိတ်နှင့်အတူ ချုပ်ခြင်း၊
၃။ ဧကာရမ္မဏ = စိတ်နှင့် အာရုံတူခြင်း၊
၄။ ဧက၀တ္ထုက = စိတ်နှင့် မှီရာ၀တ္ထုတူခြင်း၊

ဆောင် = ဖြစ်-ပျက်-မှီ-အာ၊ တူလေးဖြာ၊ အင်္ဂါယှဉ်နိမိတ်။
စိတ်၌မှီတွယ်၊ စိတ်ကိုခြယ်၊ ငါးဆယ်နှင့်ဒွိတ် စေတသိက်။

စိတ်၏တံထွာ၊ ဓမ္မတာကား၊ ကြုံရာအာရုံ၊ ရမိတုံမျှ၊ ဖုံဖုံကောင်းဆိုး၊ မကွဲရိုးတည်း။ တမျိုးတွဲဖက်၊ စေတသိက်တွက်ကြောင့်၊ သက်သက်ဆိုးကောင်း၊ အရောင်ပြောင်း၍၊ မကောင်းလည်းစိတ်၊ ကောင်းလည်းစိတ်ဟု၊ ခွဲကြိတ်စမြဲ၊ ဥဒါန်းကဲသည်၊ စိတ်လည်း စေတသိက်ကြောင့်သာကိုး…..။


စေတသိက် ၅၂ ပါး

၁။ အညသမာန်း စေတသိက် = ၁၃ ပါး
၂။ အကုသိုလ် စေတသိက် = ၁၄ ပါး
၃။ သောဘန စေတသိက် = ၂၅ ပါး
ပေါင်း = ၅၂ ပါး
 
အညသမာန်းစေတသိက် ၁၃ ပါး

အညသမာန်းစေတသိက်ဟူသည် - သောဘနစိတ်တို့နှင့်လည်းကောင်း၊ အသောဘနစိတ်တို့နှင့် လည်းကောင်း နှစ်မျိုးလုံးနှင့် ဆက်ဆံနိုင်(ယှဉ်နိုင်)သောကြောင့် “အညသမာန်း စေတသိက်”ဟု ခေါ်သည်။
ဆောင် = ကောင်း,ဆိုး နှစ်တန်၊ ခပ်တိုင်းငံ၊ သမာန်အည တေရသ။

သဗ္ဗစိတ္တသာဓာရဏ စေတသိက် ၇ ပါး
၁ ဖဿ အာရုံကို တွေ့ထိခြင်းသဘော
၂ ဝေဒနာ အာရုံ၏ အရသာကို ခံစားခြင်းသဘော
၃ သညာ အာရုံကို မှတ်သားခြင်းသဘော
၄ စေတနာ အာရုံ၌ ယှဉ်ဖက်တရားတို့ကို စေ့ဆော်ခြင်းသဘော
၅ ဧကဂ္ဂတာ အာရုံ၌ တည်တံ့ခြင်း, တည်ကြည်ခြင်းသဘော
၆ ဇီဝိတိန္ဒြေ ယှဉ်ဖက်တရားတို့ကို စောင့်ထိန်းခြင်းသဘော (နာမ်အသက်)
၇ မနသိကာရ စိတ်ထဲ၌ အာရုံပေါ်လာအောင် ပြုပေးခြင်း(နှလုံးသွင်းခြင်း)သဘော

ဆောင် = ဖသ်, ဝေ, သဉ်, စေ၊ ဧ, ဇီ, မန၊ ဤသတ္တ၊ သဗ္ဗစိတ်တိုင်းဖြစ်။

သဗ္ဗစိတ္တသာဓာရဏ စေတသိက်ဟူသည် -
စိတ်အားလုံးနှင့် ဆက်ဆံ(ယှဉ်)သောကြောင့် “သဗ္ဗစိတ္တသာဓာရဏ စေတသိက်” ဟု ခေါ်သည်။