Dhajagga Piritha, Dhajagga Suthraya ධජග්ග පිරිත හත් වරක්

ධජග්ග සූත්‍රය සිහි කරලා දිනපතා ගෙදරක ඇසීමට සැලස්වීමෙන්, ඔබටත් පවුලේ සැමටත් මෙම පිරිතෙහි බලගතුබාවයෙන්ල යහපත් ප්‍රයෝජන ලබා ගැනීමට හැකි වේ... ගෙදරදොර දොස් දුරු වේ...

ධජග්ග පිතෙහි තේරුම කෙටියෙන්...

දෙවියන් සහ අසුරයන් අතර යුද්ධයක් හට ගත්තා. මේ යුද්ධයට ගිහිල්ලා, බයක් තැතිගැන්මක් ඇතිවුණොත්, මගේ ධජයේ මුදුන සිහිකරන්න කියලා සක් දෙවිඳු දෙවිවරුන්ට කිව්වා. මගේ ධජ මුදුන සිහි කරන්න බැරිවුණොත්, ප්‍රජාපතී දෙවියන්ගේ ධජ මුදුන සිහි කරන්න. ඒක සිහිකරන්න බැරි වුණොත් වරුණ දෙවියන්ගේ ධජ මුදුන සිහිකරන්න. ඒක සිහිකරන්න බැරි වුණොත් ඊසාන දෙවියන්ගේ ධජ අග්‍රය සිහි කරන්න කියලා ශක්‍ර දෙවියෝ කිව්වා. ඊට පස්සේ බුදු රජාණන්වහන්සේ වදාරනවා. “මහණෙනි, ශක්‍ර දෙවියෝ මෙහෙම කිව්වට, ශක්‍ර දෙවියන්ගේ ධජය වේවා, ප්‍රජාපතී දෙවියන්ගේ ධජය වේවා, ඊසාන දෙවියන්ගේ ධජ අග්‍රය වේවා, වරුණ දෙවියන්ගේ ධජ අග්‍රය වේවා, සිහි කළවිට බය පහවෙන්නත් පුළුවනි, නොවෙන්නත් පුළුවනි. ඊට හේතුව සක් දෙවිඳු රාග, ද්වේශ, මෝහ ප්‍රහානය නොකළ කෙනෙක්. බිය තැති ගැනීම් ඇති වුණාට පස්සේ පලායන කෙනෙක්.

“මහණෙනි, ආරණ්‍යයකට හෝ රුක් මුලකට හෝ හිස් තැනකට ගිය ඔබටත් බියක් තැති ගැනීමක් ආවොතින් තථාගතයන් වහන්සේව සිහි කරන්න, එවිට ඔබේ තැති ගැනීම් බිය සංසිඳී යයි” කියලා බුදුරජාණන් වහන්සේ දේශනා කරනවා. තථාගතයන් වහන්සේ සිහිකරන්න බැරි වුණොත් ධර්මය සිහි කරන්න, එහෙමත් බැරි වුණොත් ශ්‍රාවක සංඝයා සිහි කරන්න කියලා උන් වහන්සේ දේශනා කරනවා. එතකොට ඔබේ බිය තැතිගැනීම් නැතිවෙයි කියලා.