Скачать или смотреть વિરમગામ તાલુકાના હિન્દુસ્તાન ગમ એન્ડ કેમિકલ્સ લી. ખાતે ટીબી ફ્રી વર્ક પ્લેસ એક્ટીવીટીઝ કરવામાં આવી

વિરમગામ તાલુકાના હિન્દુસ્તાન ગમ એન્ડ કેમિકલ્સ લી. ખાતે ટીબી ફ્રી વર્ક પ્લેસ એક્ટીવીટીઝ કરવામાં આવી

વિરમગામ સહિત અમદાવાદ જીલ્લાના તમામ સરકારી દવાખાનાઓમાં ટીબીનું મફત નિદાન અને સારવાર કરવામાં આવે છે

(વંદના નીલકંઠ વાસુકિયા) વિરમગામ : વડાપ્રધાન નરેન્દ્ર મોદીએ ભારત દેશમાંથી વર્ષ ૨૦૨૫ સુધીમાં ટીબી નાબુદ કરવાનો મહત્વકાંક્ષી લક્ષ્ય સાથે ટીબી મુક્ત ભારત અભિયાનની શરૂઆત કરેલ છે. જે અંતર્ગત આરોગ્ય વિભાગના અધિકારીઓ, કર્મચારીઓ દ્વારા અમદાવાદ જીલ્લાના વિરમગામ તાલુકામાં આવેલ હિન્દુસ્તાન ગમ એન્ડ કેમિકલ્સ લી. ખાતે ટીબી ફ્રિ વર્ક પ્લેસ એક્ટીવીટીઝ કરવામાં આવી હતી. જેમાં કંપનીમાં નોકરી કરતા કર્મચારીઓનું ટીબી ફોર એસ સ્ક્રિનીંગ કરવામાં આવ્યુ અને બ્લડ પ્રેસર, ડાયીબીટીશ, એચ.આઇ.વી ની પણ તપાસ કરવામાં આવી હતી. કર્મચારીઓને ટીબીના રોગ અંગે વિગતવાર માહીતી આપવામાં આવી હતી. આ કાર્યક્રમમાં જિલ્લા ક્ષય અધિકારી ડો.કાર્તિક શાહ, તાલુકા હેલ્થ ઓફિસર ડો.વિરલ વાઘેલા, ડો.રોહન પટેલ, મહેન્દ્ર પરમાર, પ્રકાશ પટેલ, હિન્દુસ્તાન ગમ એન્ડ કેમિકલ્સ લી.ના વિનોદ શર્મા, અતુલ કુડેશીયા સહિતના અધિકારીઓ કર્મચારીઓ ઉપસ્થિત રહ્યા હતા. અત્રે ઉલ્લેખનિય છે કે, બે અઠવાડિયા કે વધુ સમયથી ગળફા સાથે ખાંસી હોય તો ટીબી હોય શકે છે. આ ઉપરાંત ગળફામાં લોહી આવવું, સાંજના સમયે તાવ આવવો, રાત્રિનાં સમયે પરસેવો થવો, વજન ધટવું, ભૂખ ન લાગવી વગેરે લક્ષણો હોય તો ટીબી હોઇ શકે છે. બાળકોમાં વજન ધટવું અથવા વજનમાં વધારો ન થવો, બે અઠવાડિયા કે વધુ સમયથી ખાંસી અથવા તાવ, ગળાનાં ભાગે નાની નાની ગાંઠો થવી, ભૂખ ન લાગવી હોય તો ટીબી હોઇ શકે છે. ટીબીનો રોગ વાળ અને નખ સિવાય શરીરનાં તમામ ભાગમાં થઇ શકે છે. ટીબી રોગ અટકાવવા માટે છીંક અથવાં ખાંસી આવે ત્યારે મોં ઉપર રૂમાલ રાખવો, ગળફો ગમે ત્યાં ન થૂંકવો. શક્ય બને તેટલુ વહેલુ નિદાન કરાવવું અને સમતોલ આહાર લેવો ખુબ જરૂરી છે. વિરમગામ સહિત અમદાવાદ જીલ્લાના તમામ સરકારી દવાખાનાઓમાં ટીબીની મફત સારવાર કરવામાં આવે છે.