Скачать или смотреть ഗജരാജൻ ഗുരുവായൂർ കേശവന് സ്മരണാഞ്ചലി| അഭിവാദ്യമേകി കൊമ്പൻ ഇന്ദ്രസെൻ

ശ്രീഗുരുവായൂരപ്പദാസനായി ചരിത്രത്തിലിടം നേടിയ ഗജരാജൻ ഗുരുവായൂർ കേശവന് ആനത്തറവാട്ടിലെ ഇളമുറക്കാരുടെ സ്മരണാഞ്ചലി.കേശവൻ സ്മൃതി ദിനത്തിൽ ശ്രീവൽസം അതിഥി മന്ദിര വളപ്പിലെ ഗുരുവായൂർ കേശവൻ്റെ പ്രതിമയിൽ പുഷ്പാർച്ചനയ്ക്ക് ഭക്തരും ആനപ്രേമികളുമടക്കം നിരവധി പേരെത്തി. രാവിലെ ഏഴേകാലോടെ തിരുവെങ്കിടാചലപതി ക്ഷേത്രത്തിൽ നിന്നാണ് ഘോഷയാത്ര തുടങ്ങിയത്. നാട്ടാന പരിപാലന ചട്ടം പാലിച്ചായിരുന്നു ഗജഘോഷയാത്ര.
കൊമ്പൻ ഇന്ദ്രസെൻ
ഗജരാജൻ കേശവൻ്റെ ഛായാചിത്രം വഹിച്ചുകൊണ്ട് ദേവസ്വത്തിലെ 5 ഗജവീരൻമാരുടെ അകമ്പടിയോടെ ഘോഷയാത്രയുടെ മുന്നിൽ നടന്നു. ബൽറാം ഗുരുവായൂരപ്പൻ്റെയും രവി കൃഷ്ണൻ മഹാലക്ഷ്മിയുടെയും ഛായാചിത്രം ശിരസിലേറ്റി. കൃഷ്ണയും നവനീത് കൃഷ്ണനും അകമ്പടിയായി.ആനകളും ഭക്തരുമായി നിശ്ചിത അകലം പാലിക്കാൻ ക്ഷേത്രം സെക്യൂരിറ്റി ഗാർഡുമാർ വടം കെട്ടി തിരിച്ചായിരുന്നു ഘോഷയാത്ര. എട്ടരയോടെ കിഴക്കേ നടയിലെത്തി ക്ഷേത്രത്തിന് പ്രദക്ഷിണം വെച്ചാണ് ഗജഘോഷയാത്ര ശ്രീവത്സം വളപ്പിലെത്തിയത്. ഗുരുവായൂർ കേശവൻ്റെ പ്രതിമയ്ക്ക് മുന്നിൽ അഭിവാദ്യമർപ്പിച്ച് ഗജവീരൻ ഇന്ദ്രസെൻ സ്മരണാഞ്ചലി നേർന്നു. ദേവസ്വം ചെയർമാൻ ഡോ.വി.കെ.വിജയൻ കേശവൻ്റെ പ്രതിമയ്ക്ക് മുന്നിൽ പുഷ്പചക്രമർപ്പിച്ചു. ഭരണ സമിതി അംഗങ്ങളായ സി.മനോജ്, കെ.പി.വിശ്വനാഥൻ, മനോജ് ബി നായർ, കെ.എസ്.ബാലഗോപാൽ , അഡ്മിനിസ്ട്രേറ്റർ ഒ.ബി.അരുൺകുമാർ എന്നിവരുടെ നേതൃത്വത്തിൽ കേശവൻ പ്രതിമയിൽ പുഷ്പാർച്ചന നടത്തി.