Скачать или смотреть ពិធីដង្ហែរព្រះសពលោកគ្រូ សំ ប៊ុនធឿន ជុំវិញភ្នំអដ្ឋរស្ស១ជុំនារសៀលថ្ងៃទី១ខែធ្នូឆ្នាំ២០១៦

ពិធីដង្ហែរព្រះសពលោកគ្រូ សំ ប៊ុនធឿន ជុំវិញភ្នំអដ្ឋរស្ស១ជុំនារសៀលថ្ងៃទី១ខែធ្នូឆ្នាំ២០១៦
========
ពិធីបុណ្យបូជាព្រះសព ព្រះធម្មវិបស្សនា កេតុធម្មោ សំ ប៊ុនធឿន ចំនួន៤យប់៤ថ្ងៃចាប់ពីថ្ងៃទី១ដល់ថ្ងៃទី៤ខែធ្នូឆ្នាំ២០១៦ នៅពុទ្ធមណ្ឌលវិបស្សនាធុរៈនៃព្រះរាជាណាចក្រកម្ពុជា ស្ថិតនៅជាប់ភ្នំព្រះរាជទ្រព្យ ឃុំផ្សាដែក ស្រុកពញាឮ ខេត្តកណ្តាល ។
គួរបញ្ជាក់ផងដែរថា ព្រះតេជព្រះគុណ សំ ប៊ុនធឿន ជា​សង្ឃ​លេច​ធ្លោ​មួយ​អង្គ​នៅ​កម្ពុជា ក្នុង​ការ​ដឹកនាំបដិបត្តិ និង​អប់រំ​ព្រះធម៌​ពុទ្ធសាសនា នៅ​ដើម​ទសវត្សរ៍​ឆ្នាំ​២០០០ ហើយ​ព្រះ​អង្គ​បាន​ផ្ដួចផ្ដើម​កសាង​មជ្ឈមណ្ឌល​សម្រាប់​ធ្វើ​សមាធិ​អប់រំ​ចិត្ត​ដ៏​ធំ​មួយ មាន​ឈ្មោះ​ថា ពុទ្ធ​មណ្ឌល​វិបស្សនា​ធុរៈ​នៃ​ព្រះរាជាណាចក្រ​កម្ពុជា ដែល​ស្ថិត​នៅ​ខាង​លិច​ភ្នំ​ឧត្ដុង្គ និង​មណ្ឌល​វិបស្សនា​ធុរៈ​ចំនួន​១៦ ទៀត នៅ​តាម​បណ្ដា​ខេត្តនានា ទូទាំងប្រទេសកម្ពុជា ។ ពាក់​កណ្ដាល​នៃ​ជីវិត​របស់​ព្រះអង្គ គឺ​បួសជា​ព្រះ​សង្ឃ ។ ការ​បង្រៀន​របស់​ព្រះអង្គ​សុទ្ធ​តែង​​ឆ្លុះ​បញ្ចាំង​ការ​ពិត​ក្នុង​សង្គម​ខ្មែរ ដែល​ពោរពេញ​ដោយ​អំពើ​ហឹង្សា អំពើពុក​រលួយ និង​អំពើ​បាប ។
ព្រះអង្គ​ត្រូវ​បាន​ខ្មាន់​កាំភ្លើង​មិន​ស្គាល់​មុខ​ពីរ​នាក់​បាញ់​ប្រហារ នៅ​ព្រឹក​ថ្ងៃ​សៅរ៍​ទី ៨ ខែ​កុម្ភៈ ឆ្នាំ ២០០៣ ក្នុង​បរិវេណ​វត្ត​លង្កា នា​រាជធានី​ភ្នំពេញ ។ ព្រះអង្គ​បាន​សុគត​នៅ​មន្ទីរពេទ្យ​កាល់ម៉ែត្រ រយៈពេល​ពីរ​ថ្ងៃ​បន្ទាប់ ក្នុង​​ព្រះជន្ម ៤៧​ព្រះវស្សា ។
ព្រះ​សព​ត្រូវ​បាន​សិស្សគណ និង​ពុទ្ធបរិស័ទ តម្កល់​ទុក​ក្នុង​មឈូស​កញ្ចក់ ដើម្បី​គោរព​បូជា​នៅ​ពុទ្ធ​មណ្ឌល​សន្តិវ័ន្ត រហូត​មក​ដល់​ពេល​នេះ ។
ជាង​១០​ឆ្នាំ​មក​នេះ គ្មាន​ជន​ណា​ម្នាក់​ត្រូវ​បាន​ចាប់​ខ្លួន ឬ​នាំ​ខ្លួន​មក​កាត់​ទោស ទាក់​ទង​នឹង​ការ​ធ្វើ​គត​ព្រះ​អង្គ​ឡើយ ​មិនខុសពី​ឃាតកម្ម​​ដទៃ​ទៀតទេ ដូចជា​ឃាតកម្ម​លើ​មេដឹកនាំ​សហជីព លោក ជា វិជ្ជា តារា​សម្ដែង​អ្នកស្រី ពិសិដ្ឋ ពីលីកា សកម្មជន​ព្រៃឈើ​និង​បរិស្ថាន លោក ឈុត វុទ្ធី និង​ឃាតកម្ម​លើ​អ្នកវិភាគ​ដ៏​ល្បី​មួយ​រូប​គឺ​លោក បណ្ឌិត កែម ឡី ជាដើម សុទ្ធ​តែ​មិន​ទាន់​បាន​ទទួល​យុត្តិធម៌​រហូត​មក​ដល់​បច្ចុប្បន្ននេះ ៕