StarTalk丨杜如風拍節目喪食致體重急升 單身9年祈求壞男人退散

StarTalk丨杜如風拍節目喪食致體重急升 單身9年祈求壞男人退散

杜如風主持J2節目《解風東京》大受歡迎，佢接受TVB娛樂節目《StarTalk》，暢談東京20日難忘趣事，杜如風去年12月出發，喺當地逗留20日，由於3年冇去東京旅行，佢今次帶咗3張信用卡，為盡情逛街血拼作準備，杜如風笑言行程緊密，少咗時間買衫，呢次冇碌爆卡！

杜如風又指今次拍攝時要不停進食，導致體重急升，最難忘係其中一日緊接去兩間餐廳食嘢，一餐係食和牛有十幾款菜，之後佢又食Omakase食咗十幾款，杜如風喺3個鐘食咗38款食物，杜如風每次拍攝均係堅食落肚，搞到全程好想去廁所，忍到返酒店先有機會「大解放」，杜如風喺20日內體重足足重咗10磅，自嘲越拍越肥！

杜如風拍旅遊節目多年守身如玉，拍攝從來唔行性感路線，極少性感香艷演出，一向我行我素嘅杜如風，自從被網民封「世界級港女」，杜如風自爆單身9年，問到若果「冇男人」同「要慳錢」只能二選一？杜如風揀「冇男人」，佢解釋喺疫情下買少咗好多嘢，目前變得節儉咗，唔再「倒水」咁使錢，佢望住鏡頭講：「杜如風已經慳咗好多，啲男人以嚟，請媾！請媾！」杜如風坦言拍咗旅遊節目十幾年，從來都冇艷遇，杜如風只祈求唔再遇到壞男人。

#杜如風 #解風東京 #許文軒 #StarTalk #東京
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0