Скачать или смотреть Tanusha 2012 - 2014, Pa cenzurë (Luma e Epërme)

Incizime të bëra në fshatin Tanushë të Lumës së Epërme (sllavisht e njohur si Reka, Gorna Reka / Горна Река)
Për këtë video janë përdorur incizime të bëra në vite të ndryshme. Në video mund të shikoni fshatin e dikurshëm, Bjeshkët e fshtit dhe malet përreth, si ishin të ndërtuara shtëpitë dhe si dukeshin nga brënda dhe jashtë, do të dëgjoni edhe të folurit e kësaj ane.

O ju male t’nalta, o male krenare,
Lavdi t'plota jeni, t’egra e bujare,
Midis jush u rrita, larg me ju jetoj,
Edhe pse u treta, veç për ju këndoj,
Malli m’djeg për ju, n’zemër ju u kam,
Fluturoj si zogu, n'ato gryka jam.
Atje ku kam le, atje ku jam rritë,
Mendja edhe zemra m'rrikan natë e ditë.

Kur lulzon pranvera, bora nis me shkri,
Shpatet e luginat marrin hijeshi,
Barë e lule rriten, gurrat gurgullojnë,
Kangët e barinjve n’gryka shungullojnë,
Malet tona t’larta kryet e mbajnë përpjetë,
Shqipet maja bjeshke bahen gjeth i lehtë.
Atje ku kam le, atje ku jam rritë,
Mendja edhe zemra m'rrikan natë e ditë.

Vera thirri vjeshtën, bora zbardhi bjeshken,
Malet tona t’larta, t’bardhë e vunë qeleshen,
Dhe kur frynë tufane dhe kur vinë stuhitë,
Malet tona t’larta, nalt i ngrenë lavditë,
Se kanë rranjë të thella, kryet e mbajnë ne qiell,
Rrahen me furtuna, kuvendojnë me diell.
Atje ku kam le, atje ku jam rritë
Mendja edhe zemra m'rrikan natë e ditë.