✨現場實況：😎劉德華高唱「情人Happy New Year」送舊迎新🎉哼「四朵金花」冧汪明荃 💕92歲胡楓撐足全場唔攰💪🏻鄭秀文孖甘比熱情揮螢光棒應援🙌🏻｜Viu1現場實況

✨現場實況：😎劉德華高唱「情人Happy New Year」送舊迎新🎉哼「四朵金花」冧汪明荃 💕92歲胡楓撐足全場唔攰💪🏻鄭秀文孖甘比熱情揮螢光棒應援🙌🏻｜Viu1現場實況

新年快樂！劉德華噚晚舉行第12場「今天… is the day巡場」演唱會，曾經三度喺紅館同觀眾跨年倒數嘅華仔，喺除夕夜高唱一曲「情人Happy New Year」同大家齊齊倒數，歡送2024迎接2025！除咗「劉太太」們熱情支持，連日嚟個唱中仲有唔少圈中好友，包括修哥胡楓、羅蘭、汪明荃、Sammi鄭秀文、甘比、周慧敏、陳家樂夫婦、林文龍一家三口；前廣播處長張敏儀等等嚟撐場！

「劉老公」喺台上落力演出，台下嘅觀眾都睇得盡興！當中年過90嘅修哥睇足全場，期間仲起舞助興，原本華仔都擔心佢過咗作息時間會攰，坐喺第一行嘅修哥反關心華仔：「你唔覺得攰，我都唔攰！」勁精靈！而汪阿姐則有備而來，知道現場會有煙花效果，一於戴定黑超睇show。華仔喺台上介紹4位新寵花花人獸嗰陣，鬼馬向住阿姐細細聲哼起「四朵金花」，氹到阿姐會心微笑！至於華仔嘅知己良朋Sammi就同甘比孖住捧場，佢哋全程投入，無論快歌慢歌都揮動螢光棒打氣，encore環節更同Fans一樣熱情，大喊「Andy go Andy go go！」

現場亦有唔少充滿愛的溫馨畫面，林文龍同太太郭可盈、囡囡三人行，仲透露就嚟17歲嘅Tania最鍾意聽華仔哥哥嘅《17歲》，兩夫婦望住囡囡一舉一動，臉上流露慈父慈母表情。而連詩雅亦拍低老公陳家樂冧爆唱至愛嘅《暗裡著迷》，相當甜蜜！

Viu1娛樂新聞, Viu1, Viu, Viu煲劇平台, 現場實況, 劉德華, 華仔, 演唱會, 除夕夜, 劉太太, 劉老公, 修哥, 胡楓, 羅蘭, 汪明荃, Sammi, 鄭秀文, 甘比, 周慧敏, 林文龍, 郭可盈, 陳家樂, 連詩雅, 張敏儀, 四朵金花, 17歲, 暗裡著迷

記得Subscribe Viu1HK嘅YouTube Channel，Follow埋IG同Facebook page呀
___________
►訂閱 Viu1HK YouTube Channel: https://bit.ly/3lYFNLW
►追蹤 Viu1HK Instagram:   / viu1hk  
►讚好 Viu1HK Facebook page:   / viu1hk  
►觀看更多精彩內容：https://www.viu.com