Скачать или смотреть 𝐏𝐈𝐒𝐓𝐀𝐍𝐆 𝐒𝐀𝐍 𝐋𝐎𝐑𝐄𝐍𝐙𝐎 𝐑𝐔𝐈𝐙 (2025)

𝐏𝐈𝐒𝐓𝐀𝐍𝐆 𝐒𝐀𝐍 𝐋𝐎𝐑𝐄𝐍𝐙𝐎 𝐑𝐔𝐈𝐙
28 𝘚𝘌𝘛𝘠𝘌𝘔𝘉𝘙𝘌 - 𝘒𝘈𝘗𝘐𝘚𝘛𝘈𝘏𝘈𝘕 𝘕𝘐 𝘚𝘈𝘕 𝘓𝘖𝘙𝘌𝘕𝘡𝘖 𝘙𝘜𝘐𝘡, 𝘜𝘕𝘈𝘕𝘎 𝘗𝘐𝘓𝘐𝘗𝘐𝘕𝘖𝘕𝘎 𝘚𝘈𝘕𝘛𝘖 𝘈𝘛 𝘔𝘈𝘙𝘛𝘐𝘙
Ang buong samahan ng Lingkod ng Dambana ay nagpapasalamat sa mga tumulong at nagbigay ng kanilang oras, lakas at kayamanan para sa kapistahan ng dakilang San Lorenzo Ruiz de Manila. Gayundin sa mga naging pangunahing tumulong at tumuwang sa kapistahan, Kay Ma'am Maria Teresa Agbada-Kloetzli sa pagkakaloob ng mga pinagsaluhan, kay Kuya Emmanuel Valdellon sa pagtulong sa paglabas kay Sa Lorenzo Ruiz de Manila. Sa mga magulang (LND Parent's and Guardians) ng mga miyembro ng samahan ng Lingkod ng Dambana. Pasasalamat din sa Liceo De Paete - Drum and Lyre Corps sa kanilang paghalili sa prusisyon at sa bawat isang miyembro ng samahan pati na rin sa bumubuo ng pamunuan. Higit na pasasalamat sa ating Panginoon, gayundin sa Mahal na Birheng Maria.

"Isa akong Katoliko at buong-pusong tinatanggap ang kamatayan para sa Panginoon, kung ako man ay may sanlibong buhay, lahat ng iyon ay iaalay ko sa kaniya."
San Lorenzo Ruiz de Manila ⚜️

PANALANGIN KAY SAN LORENZO RUIZ
Minamahal naming Lorenzo Ruiz, sa harap ng kamatayan ipinahayag mo ang kahandaang mag-alay ng libo mang buhay para sa pananampalatayang Kristiano. Ngayon ang buong mundo ay humahanga sa iyong katapangan. Kaming iyong mga kababayan, ay buong pagmamalaking kumikilala sa iyo bilang isang Pilipino, At aming dalangin Ikaw na isang ama ng tahanan ang mag-alaga sa aming mga pamilya; pamalagiin mo kaming nagkakaisa sa pagmamahalan. Ikaw na dumanas ng mga paghihirap nang may tiyaga at pananalig sa Diyos, kalingain mo ang mga may karamdaman sa pag-iisip at katawan at tulungan mo silang magkamit ng kagalingang nagmumula sa Langit.Ikaw na namatay sa lupang banyaga, kupkupin mo ang bawat isang Pilipino na naninirahan at naghahanap-buhay sa iba’t-ibang dako ng mundo. Ikaw na halimbawa ng katatagan, palakasin mo ang aming pananampalataya at ipahintulot mo na ito’y lumaganap at lumago sa aming gitna. Ikaw na kauna-unahang Santong Pilipino ang maging natatanging taga-pagtanggol ng ating bayan. Panatiliin mo kaming iisang lipi, tulungan mo kaming kumilos nang may pagtutulungan para sa aming pagsulong at kaunlaran at tulungan mo kaming makamit ang tunay na kapayapaan.Amen.

Sa Ngalan ng Ama, at ng Anak, at ng Espiritu Santo. Amen.
______________________________________
PANOORIN: Mga ilang kaganapan mula sa prusisyon sa karangalan ng Kapistahan ni San Lorenzo Ruiz de Manila sa bayan ng Paete.

Videographer: Quervin Ken Molleno
Editor: Rex Estores

Pasasalamat sa Liceo de Paete - Drum and Lyre Corps, sa paghalili sa prusisyon at pagtugtog ng "Sanlibong buhay" awitin para kay San Lorenzo Ruiz de Manila

#LNDPaete #PistangSanLorenzo
#SakristangLingkodAko #LingkodNgDambana