陳蕾專訪︱升夠Lv.入紅館打大佬 唔再迷失 「原來詞曲創作可以好好表達自己，搵到我獨特之處，冇人可以講到我想講嘅嘢。」（

數一數，原來陳蕾自參加《亞洲星光大道》已經出道13年，下年3月終於首闖紅館，證明努力總會有回報。對上一次個人大型演唱會，是前年在麥花臣場館的4場騷，是阿豹首次個人大型演唱會，再向前數，是演藝學院與九展Music Zone，場地同樣蚊型。兩年後跳級到紅館打大佬，以陳蕾說法，是「有唔同舞台經驗再去開紅館，係會比較穩陣。」好彩這兩年與不同人組隊，入過西九竹翠公園、九展Star Hall、亞博Arena，儲夠exp升LV，「呢啲都係我好好經驗，所有嘢都ready好。」

日前阿豹在九龍灣接受《娛壹》訪問，透露無論體能、身形、聲音都要預留長時間鍛練，尤其體能最頭痛：「希望唔好病，身體有咩毛病通常都係擔心出嚟，我而家嘅心態係好chill嘅，準備工夫做足，到時就隨緣，唔會畀太大壓力自己。」Chill住開騷唔代表兩手揈揈，話晒都係第一次開紅館，都想要好好睇睇：「三場對我來講算係剛剛好，希望會爆晒，然後大家會覺得陳蕾開紅館係一票難求。」

今次紅館之前，分別同ToNick、岑寧兒、AK（江𤒹生） & Ian（陳卓賢）開過騷，雙打與單挑最大分別，是時間上更鬆動，換完衫可以把握時間休息，阿豹今次solo mid，其實好驚爛聲：「我自己最擔心係聲音，其實麥花臣嗰次都係好好嘅體驗，我記得係好擔心嘅，第一次一個人要唱晒咁長時間，自己啲歌亦都難唱，有咗嗰次經驗，大概會知道聲音應該點樣收同留。」

#陳蕾 #訪問 #專訪 #娛壹

除了 CLS，亦歡迎你用 Super Thanks 支持我哋繼續用心製作🫶
有你哋支持，我哋會走得更遠

1. 喺 YouTube 影片下方（即係Like Dislike的一行）點選「超級感謝」（Super Thanks）；
2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項；
3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫；
4. 而成功購買後，喺留言處亦會用彩色來凸顯你的留言，也會顯示你贊助的金額。

多謝你支持娛壹！☺

你的支持❤讓我們得以繼續前行🙌
請訂閱《娛壹》Patreon：
https://bit.ly/3hZtP25