Скачать или смотреть Peer Meher Ali Shah ko Hazoor saw ki ziyarat kaisa hoi complete bayan

#peermeharalishah #bayan #ziyarat

اَج سک متراں دی ودھیری اے
کیوں دلڑی اداس گھنیری اے
لوں لوں وچ شوق چنگیری اے
اج نیناں لائیاں کیوں جھڑیاں
_
اَلْطَّیْفُ سَریٰ مِنْ طَلْعَتِہ
والشَّذُو بَدیٰ مِنْ وَفْرَتَہ
_
فَسَکَرْتُ ھُنَا مِنْ نَظْرَتِہ
نیناں دیاں فوجاں سر چڑھیاں
_
مکھ چند بدر شعشانی اے
متھے چمکے لاٹ نورانی اے
_
کالی زلف تے اکھ مستانی اے
مخمور اکھیں ہن مدھ بھریاں
_
دو ابرو قوس مثال دسن
جیں توں نوک مژہ دے تیر چھٹن
_
لباں سرخ آکھاں کہ لعل یمن
چٹے دند موتی دیاں ہن لڑیاں
_
اس صورت نوں میں جان آکھاں
جانان کہ جانِ جہان آکھاں
_
سچ آکھاں تے رب دی شان آکھاں
جس شان تو شاناں سب بنیاں
_
ایہہ صورت ہے بے صورت تھیں
بے صورت ظاہر صورت تھیں
_
بے رنگ دسے اس مورت تھیں
وچ وحدت پھٹیاں جد گھڑیاں
_
دسے صورت راہ بے صورت دا
توبہ راہ کی عین حقیقت دا
_
پر کم نہیں بے سوجھت دا
کوئی ورلیاں موتی لے تریاں
_
ایہا صورت شالا پیش نظر
رہے وقت نزع تے روزِ حشر
_
وچ قبر تے پل تھیں جد ہوسی گذر
سب کھوٹیاں تھیسن تد کھریاں
_
یُعْطِیُکَ رَبُّکَ داس تساں
فَتَرْضیٰ تھیں پوری آس اساں
لج پال کریسی پاس اساں
والشْفَعْ تُشَفَّعْ صحیح پڑھیاں
_