Скачать или смотреть MAY PAGBABAGO SA MGA TAONG NAKARANAS SA DIYOS - Homily by Fr. Danichi Hui on Feb. 9, 2025 (9am)

MAY PAGBABAGO SA MGA TAONG NAKARANAS SA DIYOS - Homily by Fr. Danichi Hui on Feb. 9, 2025 (9am)

Reflection: Marami sa atin kaya naging deboto ay dahil hindi lang sa nakita ng literal ang Diyos. Kundi higit sa lahat naranasan ang kabutihan ng Diyos. Maaaring sila ay napagbigyan sa kahilingan, nasagip sa kapahamakan, natulungan sa kahirapan, napagaling sa karamdaman o nakatanggap ng kabutihan. Ano mang kuwento natin tungkol sa Diyos, hindi puwedeng hindi tayo magbabago. Ito ang dahilan kung bakit tayo nagdedebosyon, katulad ni San Pablo naranasan natin ang Diyos.

Biblical: Pang huli, sa ating Ebanghelyo narinig natin ang kuwento ni San Pedro. Si Pedro bago naging alagad ni Hesus ay isang mangingisda. Kaya naman pangingisda din ang ginamit ni Hesus para siya ay tawagin. Kung baga, ginamit ni Hesus ang alam niyang lenguahe para mas maunawaan niya ang pagtawag na gagawin nya.

Inutusan niyang pumalaot at ihulog ni Pedro ang kanyang lambat. Kahit na magdamag na walang nahuli si Pedro dahil sinabi ni Hesus, sinunod niya ito. Pag angat ng kanyang lambat napuno ito ng isda, at halos magkanda punit. Napuno ang kanilang bangka at nagpatirapa si Pedro kay Hesus sabay sabi; “Lumayo po kayo sa akin, Panginoon, sapagkat ako’y makasalanan.”

Sa sobrang buti ng isang bagay, nakita ni Pedro kung gaano siya kamakasalanan. Ngunit dahil sa kanyang pagtanggap sa kanyang kasalanan, siya ay kinahabagan ng Diyos at piniling maging mamamalakaya ng tao.

Mga kapatid, sa lahat ng kuwento ng Pagbabago, iisa ang sinasabi at pinapakita sa atin. Kung tayo ay aamin at ang kasalanan ay tatanggapin, hindi puwedeng hindi tayo patatawarin.

Walang taong sobrang sama na hindi na kayang magbago. Walang taong sobrang buti na wala nang kayang baguhin. Araw-araw tayo ay tinatawag na magbago, dahil ang pagbabago ay paraan para iwan ang lumang tayo.

Maging katulad ni Isaias, Pablo at Pedro; inamin ang kasalanan at nagbago.