Скачать или смотреть दत्त जयंती २००९!

समर्थ सतगुरू लेखमाला, लेख क्रमांक ९३०!

दत्त जयंती २००९!

माझे मुंबईतील जुने मित्र ज्यांची भेट त्यावेळी कुरवपूरला व्हायची पण २००९ च्या दत्त जयंतीच्या दिवशी मला श्रीपाद श्रीवल्लभांनी पिठापूरला गोपालबाबांकडे जायचा निरोप आंजनेयच्या मार्फत पोहचवला व काही महिन्यांनी माझं पिठापूर सुरू होऊन कुरवपूर बंद झाले. ते हे मित्र श्रीपाद श्रीवल्लभांचे भक्त श्री बलभीम गावकर यांनी २००९ च्या दत्त जयंतीच्या दिवशीची माझी एक व्हिडिओ क्लिप मला आताच पाठविली. असं काही रेकॉर्डींग त्यांनी केलंय हे ही मी विसरून गेलो होतो व या व्हिडिओत मी त्यांना कुरवपुरचा कोणता दृष्टांत सांगितला होता हे देखील मी विसरून गेलो होतो.

आज त्यांनी पाठविलेल्या या सोळा वर्षांपूर्वीच्या व्हिडिओतील श्रीपाद श्रीवल्लभांनी मला दिलेला दृष्टांत पाहून मी हरखून गेलो. कारण माझ्या या तोडक्या मोडक्या अध्यात्मिक प्रवासात कोण कोण तुला भेटणार आहेत हे श्रीपाद श्रीवल्लभ मला मी कुरवपूर पाहिले नव्हते तेव्हा पासून दाखवत होते त्याचं हे उदाहरण.

या व्हिडिओत मी सांगतोय की दोन तीन वर्षांपूर्वी मला एका दृष्टांतात कुरवपूरचे गाभाऱ्यातील गुरूपिठ दिसले. त्यावर श्रीपाद श्रीवल्लभांच्या पादुका होत्या व मागे एक उभा न सोललेला नारळ होता (जो डोक्यावर जटा आणि खाली वाढलेली दाढी या चेहऱ्याचा द्योतक होता.)

ते नारळ जागेवर गडागडा हालायचे व मला काहीतरी बोलायचे. पण ते काय बोलत आहेत ते मला कळायचं नाही. म्हणून मी त्या नारळाला विचारतो की महाराज, तुमचं नाव काय? तर ते सांगतात "गोवेकर"!

आणि मी गणेशोत्सव काळात श्री गुरु चरित्राचे पारायण करण्यासाठी २००६ मध्ये कुरवपूरला आलो तेव्हा मंदिर प्रांगणात तसा चेहरा असलेले महाराज मला क्रॉस झाले. मी थबकून त्यांना विचारले की महाराज, तुमचं नाव काय? त्यांनी उत्तर दिले "गोवेकर"!

हे मोतिसिंग छेत्री महाराज मुळ इशान्य भारतीय. पण नोकरीसाठी गोव्यात स्थायिक झाले होते. व जवाबदाऱ्यातून मोकळे झाल्यावर कुरवपूरला येऊन रहात होते. वटवृक्षाच्या डाव्या बाजूला त्यांनी पत्र्याच्या दोन खोल्या बांधल्या होत्या व त्यात ते रहात होते.

या व्हिडिओत कुरवपूर मंदिर सभामंडपाच्या एका खांबाला टेकून बसलो होतो. नंतर काही वेळाने आंजनेय खांबाच्या दुसऱ्या बाजूला येऊन बसला व त्याने श्रीपाद श्रीवल्लभांनी माझ्या साठी दिलेला संदेश मला पोहोच केला. मी खूप खट्टू झालो. अज्ञानवशात मी मनोमन श्रीपादांना विनवणी केली की कशाला हो मला तुम्ही तुमच्या पासून दूर लोटता? २००८ मध्ये तुम्ही माझं गाणगापूर बंद केले. आता कुरवपूर बंद करत आहात. माझं काहीतरी नक्कीच चुकतंय. माझ्या हातून मोठं पाप घडत असणार जे मला माहित नाही. माझं इथं कुरवपूरला छान चाललंय. भरपूर दृष्टांत, दर्शन होत आहेत तुमचे. आता कशासाठी मला शरीर धारी मनुष्याकडे पाठवता?

२०१० चा मे महिना उजाडला. तोपर्यंत मी श्रीपादांची आज्ञा फॉलो केलीच नाही. शेवटी आंजनेयने मला निर्वाणीचे शब्द ऐकवले व मी पिठापूरला गोपाल बाबांकडे पोहोचलो. दर्शन घ्यायला गेलो तेव्हा बाबांनी त्यांचं डावं चरण माझ्या डोक्यात मारलं आणि मला २००४ सालीच्या कार्तिक पौर्णिमेला पहाटे यांनीच अवधूत दिक्षा दिल्याचे स्मरण झाले. समर्थ सतगुरू भेट झाली.

तरीही अज्ञातवशात मी बाबांकडे पिठापूरला एकादशी व तेथून पौर्णिमेला कुरवपूरला यायचो. हे माझं द्वैत होतं. माझा मुर्खपणा होता. माझी पिठापूर ते सामलकोट, सामलकोट ते हैदराबाद, हैदराबादहून बसने मकतल व तेथून रिक्षाने पंचदेव पहाड हा द्राविडी प्राणायाम बाबा नक्कीच पहात असणार. एका अर्थाने मी बाबांना श्रीपादांपेक्षा कमी लेखत होतो. तरीही बाबा मला रागावले नाहीत हा त्यांचा मोठेपणा. ते जर रागावले असते व तिथून त्यांची माझी ताटातूट झाली असती तर त्यांच्या पुढील अवतारात त्यांना मला मी जन्माला आलो तेथून परत असेच पकडून आणावे लागले असते.

एका एकादशीला मी बाबांच्या जवळ बसलो असता बाबा नया दौर या जुन्या सिनेमातील गाणं गुणगुणले. "तुझे चांद के बहाणे देखू....पाणी लेने के बहाने आजा, तेरा मेरा इक रस्ता". यावेळी माझी ट्यूब पेटली व बाबा मला पौर्णिमेला त्यांच्या जवळ रहायला सांगत आहेत व त्यांचे चरण धुवून ते तिर्थ घ्यायला सांगत आहेत. व पुढे याचीही ग्वाही देत आहेत की अरे मुर्खा, तुझा आणि माझा रस्ता एकच आहे. मनात संशय ठेवू नकोस.

हा लख्ख प्रकाश पडल्यावर दुसऱ्या पौर्णिमेपासून माझे कुरवपूर देखील बंद झाले. एव्हढंच काय तर बाबांकडे गेल्यावर मी कधीही पिठापूर गावात संस्थानमध्ये दर्शनाला गेलो नाही. कारण माझे द्वैत बाबांनी घालवले होते. या नंतर सुरू झाला गुरू शिष्याचा प्रत्येक पौर्णिमेच्या रात्रीचा खेळ!
हिराचंद गोपालचंद कोठारे

#shrigopalbabamaharaj #hirachandgopalchandkothare



#shrigopalbabamaharajpithapuram
#dattaguru
#gangapur
#pithapuram
#sripadasrivallabha #spirituality #shrigopalbabamaharaj #shripad_shrivallabh_charitamrut
#spirituality #shripadvallabh #dattatreya #divineconnection #power #supernatural
#spiritualgrowth #Spiritualjourney #gurudev #shrigurudevdatta #pithapur #girnari #paramatma #dattatreyajayanti #gurupoornima #biographyinmarathi #biography #story #shrigurucharitra
#Gopalbaba #Baba
#Shripad #vallabhaganapatitemple
#Gopalsai #Bhimashankar #shripadprabhu #parayan
#shripadSwami #Gopalswami #Babaji #Gopalguru
#Andhrapradesh #Spiritual #God #Bhakti #Innerpeace