StarTalk一氣呵成版｜吳大強成2024最年長樂壇新人 翻唱《四葉草》主題曲正式出道

StarTalk一氣呵成版｜吳大強成2024最年長樂壇新人 翻唱《四葉草》主題曲正式出道

吳大強打破年齡界限，參加《中年好聲音》成功由素人加入演藝圈，而今年佢更正式推出首隻派台歌，以72歲之齡勇闖樂壇，Bill哥哥作客《Startalk》接受 許文軒 嘅訪問，分享出歌心路歷程。Bill哥哥眼見同期戰友陸續推個人作，更謙稱終於輪到自己，好神奇可以夢想成真行到呢步。

吳大強重新演繹嘅《Shining Friends》係21年前劇集《當四葉草碰上劍尖時》嘅主題曲，當年先後由馮曦妤及2R獻唱行小清新風格，呢次Bill哥哥嘅版本除左編曲上加入拉丁Bossa Nova 及Samba元素之外， Bill哥哥亦一改原作演繹，以長輩講故事嘅形式表現歌詞內容。

Bill哥哥自爆入錄音室時要戴老花鏡睇歌詞，起初更對演繹唔多自信:「音樂監製俾咗好多鼓勵我，有邊句要點表達出來，過程有困難嘅，花嘅時間雖然係長，但係成果係滿意。」

Bill哥哥指入行後最大嘅變化，對兒子嘅包容多咗，大爆之前曾抱怨兒子對家庭飯局失約，現在了解到吳偉豪工作不定時因由，反而更珍惜相聚時光，爭取時間齊早前更同太太去到台灣，睇囝囝喺當地拍劇。

#Startalk #吳大強 #中年好聲音 #Bill哥哥 #最年長樂壇新人 #四葉草主題曲 #ShiningFriends #當四葉草碰上劍尖時 #許文軒
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0