Скачать или смотреть Jarqoʻrgʻon tumanida tashkil etilgan “Metodik mahorat kuni” jarayoni oʻrganildi

Joriy yilning 17-fevral kuni Surxondaryo viloyati pedagogik mahorat markazi metodisti Nargiza Karimova tomonidan Jarqoʻrgʻon tumanida tashkil etilgan “Metodik mahorat kuni” jarayoni oʻrganildi. Mashgʻulotlar davomida tarbiyachilar faoliyati tahlil qilinib, ularning ish jarayonidagi yutuq va kamchiliklari muhokama qilindi hamda amaliy-metodik tavsiyalar berildi.

Shuningdek, 40-sonli davlat maktabgacha ta’lim tashkilotida faoliyat yuritayotgan tarbiyachi Toʻrayeva Dilafroʻzning dual ta’lim tizimi yuzasidan fikr-mulohazalari tinglandi. U davlatimiz rahbarining tegishli farmonida dual ta’lim tizimi o‘rta maxsus ma’lumotli tarbiyachilar uchun katta imkoniyat va uzoq yillik orzu bo‘lib kelganini alohida ta’kidlab, bu islohotdan mamnun ekanligini bildirdi.