Скачать или смотреть அனுபவக் கல்வி தரும் விளையாட்டுப் பாடல் | பாண்டிய நாட்டு நாட்டுப்புறப்பாட்டு 2 | folk songs | UrumiTV

#Folksong #TraditionalGames #UrumiTV, #Urumi TV, #UrumiChannel, Urumi channel, உறுமி டிவி, உருமி டிவி, உறுமி காட்சி ஊடகம்.

பெண் குழந்தைகளுக்கு தாலாட்டு பாடல் இல்லை | பாண்டிய நாட்டு நாட்டுப்புறப்பாட்டு பகுதி 1 | பேரா.முத்துசாமி
   • பெண் குழந்தை தாலாட்டு ஏன் இல்லை? | பாண்டிய...  

பேச்சு பழக கணக்கு புரிய பாரம்பரிய விளையாட்டுப் பாடல் | பாண்டிய நாட்டு நாட்டுப்புறப்பாட்டு பகுதி 2 | பேரா . முத்துசாமி
   • அனுபவக் கல்வி தரும் விளையாட்டுப் பாடல் | ப...  

பட்டிக்காட்டு காதலர் கிராமத்து காதல் பாடல்கள் | பாண்டிய நாட்டு நாட்டுப்புறப்பாட்டு பகுதி 3 | பேரா . முத்துசாமி
   • கிராமத்து காதல் பாடல்கள் | folk love songs...  

அயித்த மக பூமயிலு.. அறிவொளி இயக்க பாடல் | பாண்டிய நாட்டு நாட்டுப்புறப்பாட்டு பகுதி 4 | பேரா.முத்துசாமி
   • அயித்த மக பூமயிலு.. Arivoli songs | பாண்டி...  

80s 90s மலரும் நினைவுகள்
உழவு நடவு அறுவடை தொழிற் பாடல்கள் | பாண்டிய நாட்டு நாட்டுப்புறப்பாட்டு பகுதி 5 | பேரா.முத்துசாமி
   • 80s 90s folk songs | உழவு அறுவடை | பாண்டிய...  

விளையாட்டுப் பாடல்கள்
சிறியோர் விளையாட்டுகளில் பாடல்கள் சிறப்பிடம் பெறுகின்றன. பாடல் இல்லாத விளையாட்டு பருப்பு இல்லாத கூட்டு போன்றதாகும். இப்பாடல்கள் சிறுவர்களுக்கு மகிழ்ச்சியை ஊட்டுவதோடு உலக அறிவையும் மொழித்திறனையும் கணிதப் பயிற்சியையும் வளர்ப்பனவாக உள்ளன. பாடலின் முதலடியைக் கொண்டே விளையாட்டுகளும் நினைவுபடுத்தப் படுகின்றன. விளையாட்டில் இடம்பெறும் பாடல்கள் விளையாட்டுகளின் தன்மைக்கு ஏற்பவும் வயது, பருவம், மனம், விருப்பம் போன்றவற்றிற்கு ஏற்பவும் உடல் வளர்ச்சியைக் கவனத்தில் கொண்டும் உருவாக்கப் பட்டுள்ளன.

சொற்கூட்டுப் பாடல்கள், பட்டு வருபவரைத் தேர்ந்தெடுக்கும் பாடல்கள், மொழிப் பயிற்சிப் பாடல்கள், நாப்பிறழ்ச்சிப் பாடல்கள், எண்ணுப் பயிற்சிப் பாடல்கள் என்று விளையாட்டுப் பாடல்கள் பல திறத்தன.

விளையாட்டுப் பாடல்கள் சிலவற்றைக் காண்போம்.
1) சொல் புதிது ; சுவை புதிது ; சொற்கூட்டும் இனிது.

நீயும் நானும் கூட்டு
பாடு ஒரு பாட்டு
சில்லரையை நீட்டு
சிவகாசி வேட்டு
திண்டுக்கல்லுப் பூட்டு
திருப்பித்தலைய ஆட்டு

2) பாட்டு இதோ ; பட்டு வருபவர் யார்? பார்த்துவிடுவோம்.

தத்தலி புத்தலி
மக்கான் சுக்கான்
பாலு பரங்கி

ராட்டினம் பூட்டினம்
சீ சல் ஓடிப்போ

3) இவர்கள் எந்தப் பூவைப் பறிக்க வருகிறார்கள்?

பூப்பறிக்க வருகிறோம் பூப்பறிக்க வருகிறோம்
எந்த மாதம் வருகிறீர்? எந்த மாதம் வருகிறீர்?
ஐப்பசி மாதம் வருகிறோம் ஐப்பசி மாதம் வருகிறோம்
எந்தப் பூவைப் பறிக்கிறீர்? எந்தப் பூவைப் பறிக்கிறீர்?
தேவி பூவைப் பறிக்கிறோம் தேவி பூவைப் பறிக்கிறோம்
யாரை விட்டுப் பறிக்கிறீர்? யாரை விட்டுப் பறிக்கிறீர்?
எழிலை விட்டுப் பறிக்கிறோம் எழிலை விட்டுப் பறிக்கிறோம்
என்று வந்து பறிக்கிறீர்? என்று வந்து பறிக்கிறீர்?
இன்று வந்து பறிக்கிறோம் இன்று வந்து பறிக்கிறோம்.

4) கேலிப் பாட்டிற்குக் கூலி வேண்டுமா ! அதோபார் மொட்டைத் தலை

மொட்டையும் மொட்டையுஞ் சேந்துச்சாம்
முருங்கை மரத்தில் ஏறுச்சாம்
கட்டை எறும்பு கடுச்சுச்சாம்
காலுகாலுன்னு கத்துச்சாம்

5) ஒன்னுரெண்டு சொல்லிக்கோ ! ஓடிப்போயிப் பிடிச்சுக்கோ !

ஒன்னு ஓடிவா கண்ணு
ரெண்டு ரோசாப்பூச் செண்டு
மூனு முகட்டுமேல தேனு
நாலு நாய்க்குட்டி வாலு
அஞ்சு அவரைக்காய்ப் பிஞ்சு
ஆறு அந்தாபாரு தேரு
ஏழு பானையில கூழு
எட்டு டமடமக் கொட்டு
ஒன்பது ஓலைப்பாயப் போட்டு
பத்து படுக்கப்போட்டு மொத்து

இப்பாடல்கள் சிறியோரால் காலங்காலமாகப் பாடப்பட்டும் பாதுகாக்கப்பட்டும் வளர்த்தெடுக்கப்பட்டும் வந்துள்ளன ; வருகின்றன.

உள்ளங் கவரும் சந்த நடை, எளிய சொற்கூட்டு, திரும்ப வரல், எளிதில் திருப்பிச் சொல்லும் மொழி நடை, மீண்டும் மீண்டும் கேட்கத் தூண்டும் ஓசை நயம், இனிமை என்றவாறு அமைந்திருப்பது விளையாட்டுப் பாடல்களின் தனிச்சிறப்பாகும்.

விளையாட்டுகளில் பாடப் பெறும் பல பாடல்கள் இன்று மறந்து போய்விட்டன; இல்லையில்லை மறைந்தே போய்விட்டன. விளையாட்டுகளும் பல மறைந்து வருகின்றன. நாட்டுப்புற இசை மரபில் விளையாட்டுப் பாடல்களுக்குத் தனி இடமுண்டு என்பதை எவராலும் மறுக்க முடியாது. அவற்றைத் தொகுத்துப் பாதுகாப்பது நமது கடமையாகும்.