Скачать или смотреть TRIKITRAKA TRIKITRON 2006 (4x22, 100. atala) Bilbo – “IPARRAMIRRI SARIAK”

Euskal Telebistak 2006. urtean zehar emititutako Trikitraka Trikitron programaren 4. denboraldiko 22. atala da hau, 2006. urteko apirilaren 25ean Bilboko Arriaga antzokian grabatua.
Atal hau oso berezia izango da. Izan ere, “Trikitraka Trikitron” programaren 100. saioa da hau. Horregatik, geltokiko lagunek sorpresa itzela emango diote pailazoei. Bestalde, Maitane eta Pepitto aitonduta azalduko dira dagoeneko, aurreko 100 saio horietan bizitakoa gogoratuz. Ondoren, Mirrik bere txakurtxoa ekarriko du (Mieltxo Pinttorena), zaunka egiten ez dakien txakurra. Bilboko haurrek lagunduko diote arazo hori konpontzen. Gero, Txiribiton artista paregabea dela konprobatzeko, Txirri eta Mirriri argazki polita ateratzen saiatuko da. Gainera, Moro katuaren eta iratxo bihurriaren arteko ika-mikak ere ikusi ahal izango dira.
Hori gutxi balitz, gonbidatuak ere ez dira faltako, Iñigo magoak saioa eskainiko du eta. Bilboko haurrek ere sari itzelak lortzeko aukera izango dute Txiribueltaka jolasean.
Saioaren amaieran, pailazoek Iparragirre saioa jaso beharko dute gaur eta horretarako protokoloa zein den zehaztu beharko dute. Mirri eta Txiribitonek, ordea, ez dute protokolo hori hain argi edukiko.
Gainera, Txirri, Mirri eta Txiribitonek abesti hauek abestuko dituzte: "Zuri zorionak", "Bart non ote nintzen ni?", "Xelebrekeriak" eta "Altza Pelipe!".