محمد بن الذيب _ قصيدة ابتساماتي

أنا لوزع على النـاس ابتساماتـي
ياميتيـن المشاعـر ويـش يحييهـا
حقك علي ماتدسـم لـي شنباتـي
وفعايـل النـاس ماتشبـه مباديهـا
والفرصة مواتيه والطاري مواتـي
والشعر حاجـة تعنينـي وأعنيهـا
لكن ماهـو يعبـر عـن معاناتـي
الا يعبـر عـن الدنيـا ضواحيهـا
من تجربة ربع قرن عاشها ذاتـي
ماكل فرقً يهـز القلـب طاريهـا
الا امبراطورة الخافـق ومشهاتـي
تطربخ فـبركـة الخفـاق رجليهـا
ياأول محطة غرامن من محطاتـي
لياليـن جمعتنـي فيـش يسقيـهـا
أجيش وانـا كبيراتـن طموحاتـي
واروح وانـا محثلهـا ومعطيهـا!!
وعليش قلبي وراء الاضلاع ماباتي
ولا يقـرب ديـارش يـوم أنويهـا
ياكود جمس ماترهبـه المسافاتـي
ملكعـن بـأول الدنـيـا وتاليـهـا
منحره لا أقبل مع خشم الطويلاتـي
منحر ذلول تـزول بكبـد راعيهـا
ومرايتـه دون كبوتـه عريضاتـي
كفوف مامن معـه دعـوه ويدعيهـا
والهولـي يبـخ وبلوفـه بلوفاتـي
يـولـع الـنـار ولا مايطفيـهـا
عليه الاحياء تدخل جـو الامواتـي
وعليه الاموات مدري وين أوديهـا
مابينه وبين أهـل نجـد علاقاتـي
لاهـي تدانيـه ولا هـو يدانيـهـا
وصوته لا ريح بنمره عقب زتاتـي
تنهيدة اللي صدوق العشق كاويهـا
تناحـي أهـل المحبـه بالتنهاتـي
ولا لقـت فالمحبـه مـن يناحيهـا
ومساحتينه لا قامت تقبـل وتاتـي
أصبع عجـوز كثيراتـن دعاويهـا
ورفارفه يـوم تصفـق فالمطباتـي
ردوف بنت مـن النعمـه تدربيهـا
وليا نطحها هواء هيفيتـن عاتـي
تحسبنـه مـن الــزود متقفيـهـا
الجاكور أكبـر عيالـه والبنياتـي
الكزس البورش وال بي أم وأخيها
ان قلت ياالجيب خاوه قال ماحاتـي
لكـن ديـره يواليـهـا ماواليـهـا
يشرب فناجيلـي ويكسـر بيالاتـي
ويمد رجله علـى دربـي ويثنيهـا
وان قلت ياالفرت قال الفرت سكاتي
بعض الطواريق مـاودك تلاحيهـا
الجمس ابداع مـن كـل اتجاهاتـي
كنه قصيدتك ذي اللي علـى ايهـا
مصـدر للفجيـره بسـم كرواتـي
يدرس علوم الطبيعه فـي نواحيهـا
وشراه واحد سعودي من إماراتي
وباعه على حضرمي رايحن فيها !!
والحضرمي كل ماخزن من القاتـي
الحاجه اللي على بالـه يسويهـا
ولا خواطر خفوقي واخـر أبياتـي
قصايـدي كل أبيهـا قـد سمعتيـهـا
أي والله اني عشقت رضاك بالذاتي
مابـه مساحـه بقلبـي مامشيتيهـا
يانيلي العـذب يادجـلاي يافراتـي
ياديرة الحب شارعهـا وكوبريهـا
ويبلغ قصيده عليها مـن حركاتـي
مايجلب الدهشـه لعينـي قاريهـا
اليا أنتثر دمع عينك سوي سواتـي
قولـي بكمـك كذيـا ثـم مشيهـا