Скачать или смотреть தாய்மொழிப் பற்று. Affection of Mother Tongue, எதனை எந்த மொழியில் படிக்கவேண்டும்.

வணக்கம்.
எதனை எந்த மொழியில் படிக்கவேண்டும்.
கடவுளை வணங்குவதற்கு ஒரு மொழியும், கல்விப் படிப்புக்கு ஒரு மொழியும், கடையனோடு பேசுவதற்கு ஒரு மொழியும் கொள்வது சரியா? தாய்மொழி என்பது என்ன? இப்படிப்பட்ட சிந்தனைகளுக்கு விடைகாண முற்பட்டதன் விளைவே இக்காணொலி.

தாய்மொழி (Mother Tongue) என்பதற்குப் பல விதமான வரைவிலக்கணங்கள் கூறப்படுகின்றன. மிகப் பரவலாகப் புழங்கிவரும் இச்சொல் தெளிவாகப் புரிந்து கொள்ளப்பட்ட ஒரு சொல்லாகத் தோன்றினாலும், இதற்குச் சரியான வரைவிலக்கணம் கொடுப்பது எளிதானதல்ல.

ஒரு வரைவிலக்கணப்படி, சிறுவயதில் கற்கப்பட்டு, ஒருதலைமுறையில் இருந்து இன்னொரு தலைமுறைக்குக் கடத்தப்படும் மொழியே தாய்மொழி எனப்படுகிறது. வேறு சில, சிறு வயதில் முதன்முதலாகக் கற்கும் மொழியே தாய்மொழி என்கின்றன. இன்றைய நிலையில் பல நாடுகளும், சமுதாயங்களும், நிறுவனங்களும் தங்களது வசதிகளுக்கும் தேவைகளுக்கும் ஏற்பத் தாய்மொழி என்பதற்கு விளக்கம் கொடுக்கின்றன.