LANTHAN LO DONGA (Lotha Yi)

Yipho heto lia- nina olan donga evamo ji züm-züm donga vancho tssona nino oyim lan donga vancho tssov- to ntsinran nchyua na phyocho. Shikari lo ewoi jina jo oyim na dongthakcho lan jilo ndonghungala- ntio tssole oyim na donga yithako lan ji lo na jo ntia hungi ntso to ombo na ntsia. Oyim na meta mpe sümrüpa dang-dang kumi vathak na jiang lo na ntio hungi tsov la nung?. Oyim na nwohamo, nyantsohamo meta jiang lo wosanati ntio sana hungu khuma. Tolia oyim na nwohamo meta jiang jo ora jiha ntah la, ozhü-ono ha lia la, okyo na ha erhazhüala, jali-nrü lia vankhokha. Tolia hojiang ji tssüa wosanati ntio sana mmhom yanchetala.

Eteha enhungo lanthan lo dongtav ka. #lotha #productivity