Enai adaindha kuttam

எனை அடைந்த குட்டம், வினை மிகுந்த பித்தம்,

     எரி வழங்கு வெப்பு, ...... வலிபேசா,


இகலி நின்று அலைக்கும் முயலகன், குலைப்பொடு,

     இருமல் என்று உரைக்கும் ...... இவையோடே,


மனைகள் பெண்டிர் மக்கள் தமை நினைந்து, சுத்த

     மதி மயங்கி விட்டு ...... மடியாதே,


மருவி இன்று எனக்கு, மரகதம் சிறக்கும்

     மயிலில் வந்து முத்தி ...... தரவேணும்.


நினை வணங்கு பத்தர் அனைவரும் தழைக்க

     நெறியில் நின்ற வெற்றி ...... முனைவேலா!


நிலைபெறும் திருத்தணியில் விளங்கு சித்ர

     நெடிய குன்றில் நிற்கும் ...... முருகோனே!


தினை விளங்கல் உற்ற புன இளம் குறத்தி

     செயல் அறிந்து அணைக்கும் ...... மணிமார்பா!


திசைமுகன் திகைக்க அசுரர் அன்று அடைத்த

     சிறை திறந்து விட்ட ...... பெருமாளே.