Скачать или смотреть Read for more 👇🏻

പ്രിമിയർ ഷോയ്ക്കിടെ അനശ്വരയെ ചേർത്തുപിടിച്ച് "ഇത്രയും കാലം നീ എവിടെയായിരുന്നു?" എന്ന് രജനികാന്ത് വാത്സല്യത്തോടെ തിരക്കിയ നിമിഷം സോഷ്യൽ മീഡിയയിൽ ഇതിനോടകം വൈറലായിക്കഴിഞ്ഞു. തന്റെ അച്ഛന്റെ സന്തോഷവും തലൈവരുടെ കരുതലും ഒത്തുചേർന്നപ്പോൾ ആ നിമിഷം പൂർണമായെന്ന് അനശ്വര പറയുന്നു. അനശ്വരയും രജനീകാന്തും ഒന്നിച്ചുള്ള ഈ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ് സ്‌ക്രീനിലെ അച്ഛന്റെ പ്രിയപ്പെട്ട നായകൻ മുതൽ, എനിക്ക് ഒരിക്കലും മറക്കാൻ കഴിയാത്ത ആ നിമിഷം വരെ. ‘വിത്ത് ലവ്’ എന്ന എന്റെ സിനിമയുടെ പ്രിമിയറിൽ തലൈവരെ കണ്ടപ്പോൾ ഒരു കൊച്ചു കുട്ടിയെപ്പോലെ അച്ഛന്റെ മുഖം വിരിയുന്നത് കണ്ടത് സിനിമ ഒരു വട്ടം പൂർത്തിയാക്കിയതുപോലെ തോന്നിപ്പിച്ചു. ഐശ്വര്യ ഞങ്ങൾ നിന്നെ മിസ്സ് ചെയ്തു രജനികാന്തിനെ നേരിൽ കണ്ടപ്പോൾ അദ്ദേഹം തന്നോട് ചോദിച്ച ചോദ്യമാണ് അനശ്വരയെ ഏറെ വികാരാധീനയാക്കിയത്. അതിരറ്റ സ്നേഹത്തോടെ തലൈവർ 'വിത്ത് ലവ്' കാണാനെത്തി. എന്നെ കണ്ടപ്പോൾ 'ഇത്രയും കാലം നീ എവിടെയായിരുന്നു?' എന്ന് അദ്ദേഹം ചോദിച്ചു. എന്റെ സ്വപ്നങ്ങളെല്ലാം പൂർണ്ണതയിലെത്തിയതുപോലെയുള്ള ഒരു അനുഭൂതിയായിരുന്നു എനിക്ക്." അനശ്വര രാജൻ കുറിച്ചു.

അഭിഷൻ ജീവിന്തും അനശ്വര രാജനും കേന്ദ്രകഥാപാത്രങ്ങളെ അവതരിപ്പിച്ച 'വിത്ത് ലവ്' പ്രണയത്തിനും ഗൃഹാതുരത്വത്തിനും പ്രാധാന്യം നൽകി മദൻ സംവിധാനം ചെയ്ത തമിഴ്-തെലുങ്ക് ചിത്രമാണ്. ഡേറ്റിംഗിനിടെ കണ്ടുമുട്ടുന്ന രണ്ട് അപരിചിതർ തങ്ങളുടെ പഴയകാല പ്രണയിനികളെ തേടിപ്പോകുന്ന വേറിട്ട കഥാതന്തുവാണ് സിനിമയുടേത്. റിലീസ് ചെയ്ത് ആദ്യ ആറ് ദിവസത്തിനുള്ളിൽ തന്നെ ഇന്ത്യയിൽ നിന്ന് 11.69 കോടി രൂപയിലധികം ചിത്രം നേടിയെടുത്തു. സൗന്ദര്യ രജനീകാന്തും മഹേഷ് രാജ് പസിലിയനും ചേർന്ന് നിർമ്മിച്ച ഈ ചിത്രത്തെ ‘ധീരവും വ്യത്യസ്തവുമായ പരീക്ഷണം’ എന്ന് വിശേഷിപ്പിച്ചുകൊണ്ട് സൂപ്പർസ്റ്റാർ രജനികാന്ത് തന്നെ നേരിട്ട് രംഗത്തെത്തിയിരുന്നു. ബന്ധങ്ങളിലെ യാഥാർഥ്യവും വൈകാരികതയും മനോഹരമായി ആവിഷ്കരിച്ച ഈ ചിത്രം ബോക്സ് ഓഫിസിൽ മികച്ച പ്രകടനം തുടരുകയാണ്.