شيلة شقح النصر 🔥 منقيّة غازي الذيابي | كلمات : مصعب ال مغرم | اداء : دحام الضحيك

لا ذعذعت صوبي من المشرق ذعاذيع النسيم
واقبل علي الحزن يجتاح الضمير ويرهقه

غنيت طرق فالقصيد العذب من جوف الصميم
ايهيض الي يسمعه ويسري الي يطرقه

يأخذك وينسيك اغاني كاظم وعبدالحليم
ويحفظك من صوت دحام الضحيك معلقه

ودك تتل الجيب مع خط الرياض إلى القصيم
عشان تسمع شيلته والخط صوته يفهقه

من فوق للكزس لون بديه ثوب محرم فالحطيم
يوم ان حتى دمعته من قبل يدعي تسبقه

فيه العزل يعطيك راحة من ضميره مستقيم
حتى ماتسمع منه صوت وكن بك منه صقه

بعد استهاض الجرح والمجروح جرحه مستديم
سريت اسال لا انفتح الجرح منهو يغلقه ؟

لقيت في الخط الطويل وشفت فاليل العتيم
جوابي الي كنت عاجز بس اقوله واعتقه

ماحد يبي يغلق جروحي من جديد ومن قديم
كل يبي يفتح جروحي بالحكي والطقطقه

لكن حرام اني معاد اسمع صحيب ولا نديم
الشور من راسي وانا ماني احب التفرقه

خذيت من عرف اليالي درس والعقل الفهيم
يفهم ليا شاف الدروس مجربه وموثقه

الشخص لامنه رخى أذنه لرجال وللحريم
لا عاد ينشد لو غدا السندان تحت المطرقه

ابعد عن الراس الردي وأبعد عن الهرج الوخيم
واختر صحيب طيب ومن طيبه الله وفقه

وان جيت تتخير صحيب اختر ذيابي عظيم
الساس طيب والمفاخر من جدوده تلحقه

سوات غازي ورثه والده عالنهج السليم
حتى اجتمع فيه التحدي والمنافس والثقه

اقبل بشقح ٍتلفت الانضار وتدك الخصيم
منها ليا من درهمت مركزه الاول ينتقه

صرح وهو لا منه صرح راحت أخصامه هشيم
من كثر مايدرون بانه يحتمي ما ينطقه

ياهل الشقح فالشقح حط الله لكم نار وجحيم
تركدو قدامكم نار وجحيم ومحرقه

عتيبه اليا من غزاهم العدوء عود يتيم
وشلون لا منهم غزوء والكل شايل بندقه

منهو تحداهم وكبر ضنه
إذا ماطاع بطيب غصب يطيع

ترثعه بالقوه ويوم تحنه
تشري كفنه وفالحد يتشيع

حتى لونه شن له كم شنه
فالشقح جاهم ضلع راح ضليع

منقيته قله بسطح الدنه
يردها وان جاه سوم يبيع

عتبان ذولا عالم منجنه
اليا حضرو حتى المنافس ضيع

جو له بشقح لا عرضت للجنه
روح بالاول غازي ابن ربيع