Şəhriyar del Gerani - Həyat dediyiniz nədirsə - Kamran M. YuniS

#kamranyunis #kamranmyunis #poeziyateatrı #şiirler
#şeirlər #şəhriyardelgerani #ramizmirişli

Şəhriyar del Gerani - Həyat dediyiniz nədirsə
Bəstəkar - Ramiz Mirişli - "Köhnə bərə" film musiqisi

Mən
ən çox özümü itirdim
bu həyat dediyiniz nədirsədə.

Özümə bir az qalmış itirdim
dostumu,
anamı,
bir də çörək pulunu...

Kişilər alınlarından,
qadınlar əllərindən qocalar
bunu bir dəfə demişdim.
Gedirsənsə
əllərini də götür apar.

Hamıya yadlaşmaqdı səndən sonrası,
içib göyə ulamaqdı,
köçüb getməkdi birdəfəlik bütün adamlardan...

Daha
uçulmağa məhkum
kərpic divar ömrüdü mənimki...

Daha
vağzala gecikmiş qatar fiti qədər ünvansızdı
darıxmağım da...

Quşların uçmağa,
balıqların üzməyə bəhanəsi olur həmişə,
bəhanəsi olur həmişə adamların darıxmağa.
Sən məndə üzməyi öyrənəndə,
mən səndə çoxdan boğulmuşdum...

İndi
islanmış küçük qədərəm
bu yer üzündə.
Bilmirəm sən kimi gözləyirsən hələ də...