ҚУРОН ЎҚИШНИ ЎРГАНИШ 19-ДАРС ТАКАСУР СУРАСИ 2-ҚИСМ QURON O'QISHNI O'RGANISH 18-DARS TAKASUR SURASI

ҚУРОН ЎҚИШНИ ЎРГАНИШ 19-ДАРС ТАКАСУР СУРАСИ 2-ҚИСМ QURON O'QISHNI O'RGANISH 18-DARS TAKASUR SURASI 2-QISM

Tags : takasur surasi,takasur surasi alijon qori,takasur surasi tafsiri,takasur surasi manosi,takasur surasi o'qilishi,muallimi soniy,такасур,сура,сураи такасур,сура такасур,сураи такасур,такасур сура,такасур сураси,такасур сураси ёдлаш учун,такасур сураси алижон кори,такасур сураси тафсири,қурон ўқишни ўрганиш,quron o'qishni o'rganish

01:19 : Takasur surasi 5-oyat
01:50 : Lin nima
03:06 : Mad oriz nima
05:44 : Takasur surasi 6-oyat
07:06 : Alif va Lam farqi
09:52 : Takasur surasi 7-oyat
11:01 : Nun harifi noodatiysi
14:58 : Takasur surasi 8-oyat

✔️ Телеграм каналимиз : https://t.me/muallimi_soniy_guruhlar
✔️ Уйга вазифа жўнатиш : https://t.me/Vazifa_muallim_bot
✔️ Play market : https://play.google.com/store/apps/de...
✔️ TikTok :   / muallimi_soniy  
✔️ Admin : https://t.me/MuallimiSoniy_admin

Bugun o'tgan oyatlarimiz tarjimasi :

5. Йўқ! Агар Сиз аниқ илм ила билсанингиз эди.
Йўқ! Сиз бу қилмишингиздан қайтинг! Ҳаёти дунё матоҳи учун кимўзарга берилиб Аллоҳнинг ибодатидан қолишни йиғиштиринг! Агар сизлар бунинг оқибати нима бўлишини очиқ-ойдин билганингизда эди, бу ишни қилмас эдингиз. Молу-дунё кўпайтиришга машғул бўлиб Аллоҳнинг ибодатини унутмас эдингиз. Мансаб кетидан қувишга машғул бўлиб, ўлгунингизча уриниб, Аллоҳнинг ибодатини унутмас эдингиз. Бола-чақа, ёру дўст билан машғул бўлиб, Аллоҳни эсдан чиқармас эдингиз.
Афсуски, молу дунё, мансаб, бола-чақа ёру дўст масаласида кимўзар ила ўлиб, қабрни зиёрат қилгунингизгача машғул бўлдингиз. Энди...
6. Албатта, жаҳаннамни кўрасиз.
Яъни, кўрмай қолмайсиз. Чунки, бу дунёда молу дунё кўпайтириш ила овора бўлиб, мансаб кетидан қувиш билан овора бўлиб, Аллоҳнинг ибодатини унутганларнинг жойи албатта жаҳаннам бўлиши аниқ.
Ҳа, эй ғофил бандалар!
Сизлар, албатта, жаҳаннамни кўрсизлар!
7. Ва яна, албатта, уни ишонч кўзи билан кўрасиз.
Ҳа, ишонаверинг, жаҳаннамни ўз кўзингиз билан кўрасиз. Бу аниқ!
8. Сўнгра ўша кунда, албатта, берилган неъматлардан сўраласиз.
Яъни, қиёматда ҳар бир неъматни нимага, қандоқ сарф қилганингиз ҳақида сўралади. Ҳа, каттаю кичик ҳар бир неъмат ҳақида сўраласиз. Ҳар бир неъматга шукр қилдингизми, йўқми-сўраласиз. Аллоҳ таоло сизга берган молу дунё неъматини нимага сарфладингиз, ҳалолгами ҳаромга, Аллоҳни рози қиладиган йўлгами, ғазабини қўзғатадиган йўлгами ҳамма-ҳаммаси ҳақида сўраласиз.
Мансабдан қандай фойдаланганингиз ҳақида ҳам албатта сўраласиз. Мансабингиздан тўғри, Исломий йўлда истифода қилдингизми ёки нотўғри, ёмонлик ишлар йўлида истифода қилдингизми-сўраласиз! Шунингдек, бола-чақа, ёру дўст ҳақида ҳам сўраласиз!
Ушбу ҳис-қиёмат куни каттами-кичикми ҳар бир неъмат ҳақида сўроқ-савол бўлиши муқаррарлиги ҳисси-ҳар бир мусулмонни доимий равишда қамраб турмоғи лозим. Ана шундагина жамият аъзоларидаги масъулият ҳисси ортади, ҳушёрлик зиёда бўлади ва улкан натижалар ҳосил бўлади. Худди шу ҳис мусулмонларнинг биринчи авлодида олий даражада бўлган, шунинг учун ҳам улар улкан ютуқларга эришганлар.
Имом Термизий Абдуллоҳ ибн Шиххийр розияллоҳу анҳудан ривоят қилган ҳадисда: «Расулуллоҳ соллаллоҳу алайҳи васалламнинг ҳузурларига борсам, «Алҳакумуттакасуру»ини қироат қилаётган эканлар. Сўнгра У зот: «Одам боласи, молим, молим дейди. Сенинг еб тугатганингдан, кийиб чиритганингдан ва садақа қилиб ўтказганингдан ўзга молинг бормиди?!-дедилар», дейилган. Яъни, мазкурлардан бошқа молу-дунё бевафо нарсадир.
Имом Муслим Абу Ҳурайра розияллоҳу анҳудан қилган ривоятда қуйидагилар айтилади: «Расулуллоҳ соллаллоҳу алайҳи васаллам бир кун ёки кечаси ташқарига чиқиб Абу Бакр ва Умарга дуч келдилар. Бас, у зот соллаллоҳу алайҳи васаллам: «Икковингизни бу соатда уйингиздан нима чиқарди?» дедилар.
«Очлик, эй Аллоҳнинг Расули», дейишди.
«Мени ҳам, жоним қўлида бўлган Зот билан қасамки, икковингизни чиқарган нарса чиқарди, туринглар!» дедилар.
У зот билан бирга туриб ансорийлардан бирининг ҳузурига боришди. У киши уйида йўқ экан. Аёли у зот соллаллоҳу алайҳи васалламни кўриши билан: «Хуш келибсиз!» деди.
Расулуллоҳ соллаллоҳу алайҳи васаллам аёлдан: «Фалончи қаерда?» деб сўрадилар.
«Сув олиб келгани кетди» деди аёл.
Тезда ансорий саҳоба ҳам етиб келди. Расулуллоҳ соллаллоҳу алайҳи васалламга ва у зотнинг икки саҳобаларига назари тушиши билан: «Алҳамду лиллоҳ! Бугун менчалик ҳурматли меҳмонлари бор ҳеч ким йўқ!» деди.
Бориб бир тизим хурмо келтириб, енглар деди ва қўлига пичоқни олди. Шунда Расулуллоҳ соллаллоҳу алайҳи васаллам унга:
«Зинҳор ва зинҳор соғин ҳайвонга тегма!» дедилар.
Ансорий саҳоба уларга бир қўй сўйди. Улар қўйдан ва ҳалиги хурмодан тановул қилишди, ичишди. Тўйиб, сероб бўлганларидан кейин Расулуллоҳ соллаллоҳу алайҳи васаллам Абу Бакр билан Умарга: «Менинг жоним қўлида бўлган Зот билан қасамки, қиёмат куни, албатта, ушбу неъматдан сўраласизлар. Сизни уйингиздан очлик чиқарди. Энди эса, сизга ушбу неъмат етганидан кейин қайтасизлар» дедилар.
..............