סיום ישיבה נתיבות התורה - ריקודי שמחה | Yeshiva Nesivos Hatorah - Siyum Dancing

Yeshiva Nesivos Hatorah is proud to present videos of an impressive event "YOM HANACHAS"

A huge siyum Maseches Kiddushin and Taanis was put together in honor of the boys who worked really hard over the year and really accomplished so much in regard to their learning.

For this event we put together the most beautiful things, added the best musicians, all in order to show the bochurim that they are the most precious and valuable thing in this world. They are the ones holding up the world through their Torah learning.

Check out the pictures of the event https://ahblicklive.com/post.php?u_id...

אין ישיבה הק' נתיבות התורה אין מאנסי איז פארגעקומען א זעלטן געהויבענע און אינהאלטסרייכע מעמד כבוד התורה, אפגעראכטן מיט די ריכטיגע משמעות פון כבוד התורה, אויף א רייכע פארנעם ספעציעל פאר די תלמידי הישיבה, וואס האבן זיך מצטיין געווען אין די לימודים דורכאויס די פארלאפענע יאר.

די ישיבה וואס געפונט זיך אין די היימישע מאנסי געגנט, און איז באקאנט אלס איינער פון די חשוב'סטע ישיבות אין שטאט, ווערט געפירט דורכ'ן ראש ישיבה הרה"ג ר' שלמה ציפפער שליט"א, וועלכער איז א באקאנטער מומחה בעולם הישיבות, מיט א רייכע היסטאריע פון קרוב צו פערציג יאר הרבצת התורה מיט א זעלטענע הצלחה און איבערגעגעבנקייט צו יעדן תלמיד.

די בחורים האבן זיך פארהערט אויף מסכתות קידושין און תענית, וואס איז געלערנט געווארן מיט גרויס התמדה דורכאויס די יאר. און ארויסצוהייבן די כבוד התורה ווי עס פאסט, האט די הנהלת הישיבה אין שפיץ פונעם חשובן מנכ"ל הישיבה הרב אברהם לעווי הי"ו, אפגעראכטן א רייכע מעמד אויסצודרוקן די טייערקייט און ווערד פון יעדע בחור באזונדער, גענוי ווי מען דרייט איבער א וועלט און מען רעכט אפ רייכע מעמדים לכבודם פון די תומכי תורה, פון וועם די בחורים זענען בכלל נישט ווייניגער ווערד.

רייכע מעמד וועלכער איז געווען א "ריכטיגע חידוש בעולם הישיבות", איז פארגעקומען אין די פראכטפולע וואלי טערעס זאל אין בנין פון ישיבה ספרינג וואלי, עס איז באגלייט געווארן מיט רייכע מוזיק דורכ'ן מייסטער מוזיקאנט הרב מאיר אדלער שליט"א, וועלכער איז אליינס א נאנטער תלמיד פונעם ראש ישיבה מיט העכער דרייסיג יאר צוריק, און האט אויך אויפגעטרעטן מיט א ווארעמע דרשה ביים מעמד כבוד התורה.

א שפאגל רייכע סעודה איז צוגערישט געווארן לכבודם פון די בחורים, און זייערע חשובע עלטערן און זיידעס, אויף א הערליכע אויבנאן זענען געזעסן די חשובע מגידי שיעור און הנהלת הישיבה, און מען האט געהערט א לענגערע דרשה פונעם ראש ישיבה הרה"ג ר' שלמה ציפפער שליט"א.

אלס יושב ראש המעמד האט אויפגעטרעטן הרה"ג ר' מרדכי חנא כהנא שליט"א, וועלכער האט ארויסגעהויבן לשבח די תלמידים המסיימים, און איבער אלעם די הנהלת הישיבה וועלכער לאזט זיך קאסטן גרויסע געלטער פארן איין איינציגן ציהל ארויסציווייזן כבוד התורה און שעצונג פאר די חשובע תלמידים, זאגענדיג אז א סארט מעמד וואס ווערט געווענליך אפגעראכטן צו אונטערשטופן גרויסע גבירים און זיי אנווארעמען פאר געלט, האט מען אצינד פארוואנדלט אין א ריינע איינציגע ציהל צו צייגן כבוד התורה, און ווייזן אינטערעסע אין די געוואלדיגע לימוד התורה פון די בחורים הנחמדים.

צום שלוס פונעם מעמד האט דער ראש ישיבה פארטיילט תעודות און א פראכטפולע זילבערנע בעכער פאר יעדן בחור באזונדער, תעודות איינגעטיילט אין עטליכע דרגות, אבער קאנצענטרירט אויף די חלק ההתמדה, די איכות וואס די בחורים האבן געלערנט, און נישט די כמות וואס איז בלויז געוואנדן אין כשרונות.