Скачать или смотреть Miili ya wanandoa wapya yazikwa Mbeya, kaka 'afunguka tulikua tunamtegemea'

Wingu la simanzi lilitanda katika eneo la Kituo cha Polisi Mjini Iringa, wakati miili ya wanandoa wapya ambao ni askari polisi Mkoa wa Arusha waliopoteza maisha kwa ajali ya gari eneo la Tanangozi, nje kidogo ya Manispaa ya Iringa ikiagwa.

Ajali hiyo ilitokea saa 3 asubuhi katika eneo hilo wakati gari dogo aina ya Vits iliyokuwa ikiendeshwa na Noah ilipopanda tuta na mbele yake kukawa na lori, hivyo wakati analikwepa akakutana uso kwa uso na basi la Luwizo lililokuwa likitokea Njombe kwenda Dar es Salaam.
Miongoni mwa viongozi wa Jeshi la Polisi waliokuwepo katika shughuli hiyo ya kuaga marehemu hao ni mwakilishi wa Mkuu wa Jeshi la Polisi nchini, Kamishna Benedict Wakulyamba. Akitoa salamu kwenye msiba huo, Mwakulyamba alisema kifo cha askari hao kimeacha pengo kubwa kwa jeshi hilo