Скачать или смотреть زانكۆیا دهۆك ئێكەم لۆتكەیا چاندنێ‌ یا هەرێما کوردستانێ

ب چاڤدێریا رێزدار مەسرور بارزانی سەرۆكێ‌ حكومەتا هەرێما كوردستانێ‌، زانكۆیا دهۆك ب هەڤكاری ل گەل وەزارەتا چاندنێ‌ و ژێدەرێن ئاڤێ‌ و دەستەیا وەبەرئینانێ‌ ل هەرێما کوردستانێ، ئێکەم لۆتكا چاندنێ‌ ل هەرێما كوردستانێ‌، ب درویشمێ: "بەرەڤ چاندن و ژینگەهەكا دۆمدار" ئەنجامدا.
ئەڤرۆ رۆژا ئێکشەمب رێکەڤتی ١٦ـی نیسان ٢٠٢٤ـێ، ل سەنتەرێ کۆنفرانسا یێ زانکۆیا دهۆک، ب ئامادەبوونا د. داود سلێمان ئەتروشی سەرۆکێ زانکۆیا دهۆک و بێگەرد تالەبانی وەزیرا چاندنێ و ژێدەرێن ئاڤێ و د. محەمەد شوکری سەرۆکێ دەستەیا وەبەرئینانێ، د ڤێ لۆتکێ دا و د چارچۆڤێ پێنج پانێلێن زانستی دا، بسپۆر و زانا و بریاربدەست و جۆتیار و وەبەرهینەرێن كوردستانێ‌، بۆ گفتوگۆکرنێ و دانانا پلانێن دۆمكورت و دۆمدرێژ بۆ باشتركرنا كەرتێ‌ چاندنێ، کۆمبوون و دانوستاندن ل دۆر بابەت و مژارێن جودایێن گرێدای ڤی کەرتی کرن