Скачать или смотреть Chippy Karupatti

சிப்பி கருப்பட்டி
மதுரை யாதும் கூட்டுசமூகத்தின் மற்றுமொரு முக்கிய கண்டடைவு சிப்பி கருப்பட்டி, சாயல்குடி அருகே உள்ள கன்னிராஜபுரத்தில் இருந்து நேரடியாக ஒரு பனையேறி குடும்பத்தில் இருந்து யாதும் கூட்டு சமூகத்திற்கு கருப்பட்டி கிடைக்கிறது
நம் பாரம்பரிய சுவையுடன் கூடிய இந்த கருப்பட்டியை தயாரிக்கும் இந்த குடும்பத்தினரினை நமது இந்த மாத சந்தையில் சந்திக்லாம்.தற்போது விற்பனைக்கு தயாராக உள்ளது.இதன் மகத்துவம் அறிந்து கொள்ள மேலும் வாசியுங்கள்..
தமிழகத்தின் தென்பகுதியில் விளையும் கருப்பட்டி மிகுந்த சுவையும் ஆரோக்கியமும் கூடியது.கடற்கரையினை ஒட்டிய பகுதிகளில் இருக்கும் இயற்கையாகவே பனை மரங்கள் நன்கு செழித்து வளர்கின்றது.கடற்காற்றின் தன்மை மற்றும் அளவு மற்றும் தன்மை பொறுத்து அந்த வருடம் கிடைக்கும் பதனீரின் அளவும் சுவையும் மாறுபடுகிறது..

இந்த கருப்பட்டியின் தனித்தன்மை சிப்பி சுண்ணாம்பு (கிளிஞ்சல் சுண்ணாம்பு) கொண்டு தயாரிக்கபடுகிறது, பதநீர் இரக்கும் கலயத்தில் பூசப்படும் சுண்ணாம்பு அதன் சுவை மற்றும் தரத்தில் பெரும் பங்கு வகிக்கிறது.கடலின் உள்ளே கிடைக்கும் கடல் சங்கு ,சிப்பி போன்றவற்றை சேகரித்து அவற்றை சுட்டு அல்லது மண் அடுப்பில் வேகவைத்து பக்குவமான பதத்தில் இந்த சிப்பி சுண்ணாம்பு தயாரிக்கபடுகிறது.இதில் முழுக்க கால்சியம் சத்து கொண்டது,இயற்கையில் கிடைக்கும் இந்த சிப்பி நாம் முன்னால் வெத்தலையில் தடவி சாப்பிடும் ஒன்றாகவும் பயன்படுத்தபட்டுள்ளது.

இந்த பதநீர் இறக்குதல் மற்றும் கருப்பட்டி காய்ச்சும் தொழில் தலைமுறை தலைமுறையாக செய்து வரும் இந்த குடும்பம்.மிகுந்த அக்கறையுடன் இந்த தயாரிப்பு வேலைகளில் ஈடுபடுகின்றனர்.85வயதை தாண்டிய பாட்டி சிப்பி,சங்கு கடற்கரையின் கரை ஓரங்களில் பொருக்குதல் மற்றும் கடலில் முத்து குளிப்போரிடம் இருந்தும் இவற்றை சேகரிப்பதுடன் அதன் தன்மை மாறாமல் அதனை முறைப்படி மாற்றி சுண்ணாம்பு தயாரித்து அதற்குரிய கலங்களில் இட்டு பாதுகாத்து வருகின்றனர்.இவர்கள் இந்த மண்பானையில் இந்த சுண்ணாம்பு பூச கூட பனை மரத்தின் மட்டைகளை பயன்படுத்தி வருகிறார்கள்.இவர்களின் மரபார்ந்த அறிவும் அவர்களின் நேர்மையான தன்மையும் மிகுந்த வியப்புக்கு உரியது. இந்த பகுதியில் கலப்படம் செய்யும் பனையேறி குடும்பங்களுக்கு ஊர்க் கட்டுப்பாடு விதித்து அவர்களை எச்சரித்து மீண்டும் நல்வழிபடுத்துகிறார்கள்.
கடுமையான உடல் உழைப்பினை கோரும் இந்த தொழிலுக்காக அதிகாலையில் 3 மணிக்கு பனைமரம் ஏறி ஏறி பதநீர் இறக்கி விட்டு மீண்டும் பாளையை சீவி கலயத்தை கட்டிவிட்டு வருபவர்கள் அன்று மாலையும் மீண்டும் ஏறி பாளையை சீவி விடுவார்கள். காலையில் இறக்கிய பதநியை ஒரு மணி நேரத்துக்குள் அதை காய்ச்சி விட வேண்டும் இல்லையென்றால் அது புளித்துவிடும்,காய்ச்சிய பின் அதற்குரிய அச்சுகளில் ஊற்று கருப்பட்டி தயாரித்து ஆக வேண்டும்.

இப்படி காய்ச்சவே 5 அல்லது 6 மணி நேரம் ஆகும் ,அதற்கு முழு குடும்பமும் அடுப்பு எரிப்பதற்கு விறகு பொறுக்குவதில் துவங்கி கருப்பட்டி எடுத்து பாதுகாப்பாக கொட்டான்களில் அடுக்கி வைப்பது வரை மலைப்புக்குரிய வேலை செய்கிறார்கள்.நான்கு மாதம் முதல் ஆறு மாதம் வரை மட்டுமே இந்த பதநீர் கிடைப்பதால்,மீதி இருக்கும் காலங்களுக்கு இந்த கருப்பட்டியை புகையேற்றி பாதுகாத்து வைக்க வேண்டி உள்ளது.
நாம் இந்த கருப்பட்டியினை தொடர்ச்சியாக இந்த ஆண்டு முழுவதும் வாங்கி அதனை நல்ல படியாக பயன்படுத்துவதன் வழியே அவர்களும் பொருளாதாரமாகவும் முழுமையான பலன் அடைவார்கள்.நமது தயாரிப்பு பொருட்கள் அதே தரத்துடன் மக்களை சென்று சேர்வதை பார்த்து மிகுந்த மனநிறைவும் அடைவார்கள்.இந்த பனைமர கருப்பட்டி தயாரிக்கும் தொழிலும் இது சார்ந்த வேலைகளில் ஈடுபட்டு இருக்கும் மற்ற கிராமவாசிகளும் பயன்பெறுவார்கள்.
பனைமரங்களும் அழிவிலிருந்து மீண்டுவிடும்,நமது வரும் சந்ததியும் பனை மரங்களை பார்த்து வளரும் வாய்ப்பு கிடைக்கும்.குழந்தைகளுக்கும் இந்த கருப்பட்டி சாப்பிடும் பழக்கத்தை உருவாக்க நாம் முதலில் இதனை அனுதினமும் பயன்படுத்த வேண்டும். வெறும் வயிற்றில் இதனை சாப்பிடும் போது உடல் மெலிவு என்ற ஒன்றில் இருந்து பிள்ளைகள் மீண்டு விடுவார்கள்.பல் வலி,சூத்தை பல்,பல் நொருங்குதல்,பல் கூச்சம் இது எதுவும் இந்த கருப்பட்டி சாப்பிடுவதால் முழுமையாக தவிர்க்கபடும்.இரத்த சோகை பரிபூரமணமாக சரியாகிவிடும்.
பிரசவ காலத்திற்கு பின்பு பெண்கள் நன்கு கருப்பட்டி சாப்பிடுவதால் இழந்த உடல்வலிமை பெறுவது இடுப்பு எலும்பு மீண்டும் வலுபெரும்.தாய்ப்பால் நன்கு சுரக்கும். உடல் சோர்வு நீங்கும்.உடலில் தேவையற்ற கொழுப்புகள் சேராமல் பார்த்து கொள்ளும்.ஏதேனும் சாப்பிட்டு கொண்டெ இருக்க வேண்டும் என்ற எண்ணம் ஏற்படும் போது கருப்பட்டி ஒரு துண்டு சாப்பிட்டால் போதும் அந்த உணர்வு நீங்கி விடும்.
இந்த பருவத்தில் கிடைக்கும் கருப்பட்டி மிகுந்த சுவையாகவும் இளகு தன்மையுடனும் இருக்கும்.பதநீர் மணத்துடன் இருக்கும்.கடுமையான இந்த கோடை காலத்தில்,வயதானவர்களுக்கு தொடந்து கருப்பட்டி கொடுத்து வருவது அவர்களை உடலை குளிர்ச்சியாகவும் உற்சாகமாக வைத்து இருக்க உதவும்.சக்கரை சத்து உள்ளவர்கள் கூட இதனை தொடர்ந்து சாப்பிடலாம்,இதனை சித்த மருத்துவர்கள் உறுதிபடுத்தி உள்ளனர்.
சுக்கு சேர்த்து கருப்பட்டி சாப்பிடுவதால் நல்ல செரிமானம் ஆகும் உடலுக்கு,கருப்பட்டி காப்பி நமது கிராமத்தில் அத்தனை இயல்பாக புழக்கதில் இருந்துள்ளது,அதனை மீண்டும் நாம் செய்யலாம்.


#Yaadhum #yaadhumcommunity #yaadhumfoods #palmjaggery #karupatti #palmsugar #naturalpalmsugar #purepalmsugar #puresugar #sugar #organicsugar #sugarfree #sugaralternative #HealthyConsciousLiving #Healthy #Organic #Natural #MotherNature #Fitness #Diet #Lifestyle #BalancedDiet #GoOrganic #ChooseOrganic #EnvironmentFriendly