მიხეილ მურვანიშვილი - მეტყევე, რომელმაც საქართველოს ტყეები გააშენა

მეტყევე, რომელმაც საქართველოს ტყეები გააშენა - მიხეილ მურვანიშვილი

👤🔎ცნობილი მეტყევე მიხეილ მურვანიშვილი 1875 წლის 18 მაისს დაიბადა. მის სახელს უკავშირდება თითქმის ნახევარი საქართველოს ტერიტორიაზე წიწვოვანი ტყის მასივების გაშენება.
✅ის სხვადასხვა დროს, აბასთუმნის, ბაკურიანის, ბორჯომის, წაღვერის, მარტყოფის სატყეო სამსახურს ხელმძღვანელობდა.
🌳წაღვერში მუშაობის პერიოდში, პატარა მიტარბის ფერდობზე, ნახანძრალი ტყის ადგილას, 455 ჰექტარ ფართობზე, ფიჭვის ტყე გააშენა.
🌱1924 წელს მიხეილმა დააარსა საბჭოთა კავშირში პირველი თესლის საშრობი ქარხანა. აქ მზადდებოდა წიწვოვანი სახეობების თესლი, რომელიც იგზავნებოდა არა მარტო საბჭოთა კავშირის ქალაქებში, არამედ ევროპაშიც. მანვე მოაწყო სანერგეები აბასთუმანში, წყალტუბოში, ბახმაროში, გააშენა ტყეთა მასივი მცხეთაში და კასპში.
✅🔎1934 წლიდან, მიხეილ მურვანიშვილი სათავეში ჩაუდგა სურამის სატყეო მეურნეობას, სადაც ასობით ჰექტარზე გააშენა ფიჭვის კულტურა და მოაწყო სანერგე. სწორედ მისი წყალობით შეიძინა სურამმა უნიკალური კურორტის დანიშნულება.