Скачать или смотреть | صولجان العز | 2026 👏🔥 كلمات 📝: جميل بن نايف النفيعي اداء🎙️: الجفراني

انا البارح ورجلي فوق متن النايف المزموم
على جوٍ ترد الروح فيه عروق وديانه

تعاقب مثل راحة من تخضب مقدم الابهوم
نهار العيد وتلاعب غريرٍ عند خلانه

اشوف المنظر الي يستميل الخاطر المهموم
هذا شوق الضمير الي نسج الرجل من شانه

اخيل البرق في عرض السماء وادعي بعيد الحوم
عساه يشيل قلبي من ضلوعه فوق جنحانه

ياربي وانت تعلم بالخفايا قبل شهر الصوم
ذنوبي واجده وارجي عظيم الملك سبحانه

يا عزي للقلوب الي ما فيها للخطايا لوم

ليا منه تعطل حسها ما تقبل صيانه

اثر حس المشاعر يفرق الظالم عن المظلوم
انا شاعر وعندي مع ضميري ولف وميانه

والى جات المواقف نعتزي فالواجبه ونقوم
مقامً لا وقفنا نكسبه ونجود رهانه

ياعبدالله لك الله تحمي الماقف وانا ملزوم
جنابك في رحابه سيرةِ عطره ورنانه

تقدابك عرب وانت المقدم في نحور القوم
يا راسً ما يميل الا لوجه الله سبحانه

وذخر سهيل نجم سهيل فالماقف عداه اللوم
مواقيفه عظيمه والسعد من بين حجانه

هذا النادر هذا الفارق هذا المحزم هذا الشغموم
عديمً فالحرار النادره من طيب جدانه

يابن فياح والملواح بيرق والحرار تحوم
تعزوا بك مضاوي وانت فعلك بان برهانه

بعد وقعة طلال وطاري الامجاد ليل ويوم
عزاويك استمرت لين يوم الحسم واعلانه

ليا جات الفيالق تدحم بالفرس والا الروم
يوقّف في نحاها من مطنخ روق ترسانه

الا ياقبلة الامجاد والاسياد طار النوم
نبا نسهج ونرهج شاطي الراحه وميدانه

هذا بيرق عتيبه من يجيبه لو يزود السوم
هقينا في حسام الشعر واسرفنا على شانه

ترى برقا وروق اسياد سوق المركز المحسوم
براهين المقام وصولجان العز وعنانه

سلام الله عليكم ياعتيبه والسعد ملزوم
من اول عام لقاه الزمن فسطاط عتبانه

سلام الله على العضيان ربعن يذبحون الكوم
خوالي فزعة الي يفرضون الضيم عدوانه

سلام الله عليكم والمنازل حدها مرسوم
مثل وسم العمود الي تماري فيه رمانه

حدو من دونها روس الخصوم وحدهم مرسوم
من حدود الحجاز اليا الهييشه والعطيشانه

مقابيس الظلام الي تدل التايه المنجوم
مثل نجم الجدي حتى النجوم تعرف عنوانه

على سرد المهار العزوه اللي سيفها ملحوم
تقدّم عنهم اللي مكسبه من عزل ذرعانه

ليا طال النهار وبان صبحً ما عليه غيوم
ينوخ للجموع و يلعب العرضه على حصانه