Скачать или смотреть උසස් පෙළ සිංහල සාහිත්‍යය|නන්දන වීරසිංහයන්ගේ |ආදරණීය පාසල|Punsara Chandrasekara

කන්ද පාමුල
තවමත් පෙරසේම
එදා තිබූ තැනමය
මගේ පැරැණි පාසල!

තරග වැද
පරයා එකකු නො හැර ම
ජයකණුව වෙත දිව යන
මඟ කියා දුන් පාසල

පසු පස ම අසුන්වල
අප වෙත සුරත දිගු කොට
බැරි එවුන් යැයි
හෙළා දුටු එ දවස
ඉදිරිපෙළ සිසු නඩය
සරදම් සිනා දී
ප්‍රීති සිත් වියරු කළ තැන
මගේ ශුද්ධ වූ පාසල!

අදත් එහි උලෙළකි
සමත් අයහට තිළිණ පුද දෙන
මෙත් සිහිල් ආදර
වදන් වෑහෙන මහ සබයෙහි
තවම පැසසුම් ලබන
ඉදිරිපෙළ සිසු කැල!

ලකුණු අඩු අය අතර
පළමු වැනියන් නොම දැක
කන්ද නොනැගම පෙර මෙන්
එකම තැන ලැග හිඳිමින්
පෙරමුණට සටන් සගයන් එවන
ආදරණීය පාසල!

උසස් පෙළ සිංහල නූතන පද්‍ය යටතේ එන නන්දන වීරසිංහ මහතාගේ ආදරණීය පාසල පද්‍ය පන්තිය පහසුවෙන් මතක තබා ගැනීමට මා ද උසස් පෙළ සිංහල විෂයට පාඩම් කරන ලද කාල සීමාව තුළ මෙවැනි වීඩියෝ ප්‍රයෝජනයට ගනු ලැබීය. එම නිසා මා විසින් සකස් කරන ලද මෙම වීඩියෝව උසස් පෙළ සිංහල විෂය හදාරන ආදරණීය ඔබ සඳහා ද ඉතාමත් වැදගත් වීඩියෝවක් වනු ඇතැයි සිතමි.