محمد بن الذيب | وصف الجمس إبداااع .. « والحضرمي كل ما خزن من القاتي .. الحاجة الي ع باله يسويها »

ولا يقرّب ديارك يوم انويها

يا كود جمسٍ ما ترهبه المسافاتي
ملكع بأول الدنيا وتاليها

منحره لا اقبل مع خشم الطويلاتي
منحر ذلول تزول بكبد راعيها

وامرايته دون كبوته عريضاتي
كفوف إمام معه دعوه ويدعيها

والهولي يبخ بلوفه بلوفاتــي
يولع النار والا مايطفيها

ما بينه وبين أهل نجد علاقاتي
لاهي تدانيه ولاهو يدانيها

صوته لا ريح بنمرة عقب زتاتي
تنهيدة الي صدوق العشق كاويها

تناحي أهل بالمحبة بالتنهاتي
ولا لقت بالمحبة من يناحيها

ورفارفه يوم يصفق بالمطباتي
ردوف بنتٍ من النعمة تدربيها

إليا نطحها هواء هيفيتن عاتي
تحسب انه من الزود متقفيها

مساحتينه لا قامت تقبل وتآتي
أصبع عجوزٍ كثيراتٍ دعاويها

عليه الأحياء يدخل جو الأمواتي
وعليه الأموات ما أدري وين أوديها

يوم يتفلت على الطرقى تفلاتي
ضعاف الأنفس على الفتنة يجريها

الجاكوار اكبر عياله و البنياتي
اللكزس البورش والبي ام واخيها

وإن قلت يالجيب خاوه قال ما أحاتي
لكن ديرة يواليها ما أواليها

يشرب فناجيلي ويكسر بيالاتي
ويمد رجله على دربي ويثنيها

إن قلت يالفرت قال الفورد سكاتي
بعض الطواريق ما ودك تلاحيها

الجمس إبداع من كل الإتجاهاتي
كنه قصيدتك ذي الي على ايها

مصدر للفجيرة باسم كرواتي
يدرس علوم الطبيعة في نواحيها

وشراه واحد سعودي من إماراتي
وباعه على حضرميٍ رايحٍ فيها

والحضرمي كل ما خزن من القاتي
الحاجة اللي على باله يسويها

إلى بغا يرهب كبار الحكوماتي
رجله على قطعة الفرجة أمضريها

وإلا خواطر خفوقـي واخـر أبياتـي
قصايدي كل أبيها قد سمعتيها

إي والله أني عشقت رضاش بالذاتي
ما به مساحة بقلبي ما مشيتيها

يا نيلي العذب يا دجلاي يا فراتي
يا ديرة الحب شارعها وكبريها

يا أبلغ قصيدة عليها من حركاتي
ما يجلب الدهشة لعيني قاريها

إلى إنتثر دمع عينش سوي سواتي
قولي بكمش كذيا ثم مشيها

الحزن يوم المفارق عاملن ذاتي
فطرة بالإنسان ما يقدر يخليها

#محمد_بن_الذيب #محمد_ابن_الذيب #المحنك_التميمي
ـــــــــــــــــــــــــــــــــــــــــــــــــــــــــــــــ
قناة التلقرام فيها كل القصائد: mu7nk
رابط قناة التلقرام : https://t.me/mu7nk

لدعم القناة ماديا : https://paypal.me/mu7nnk?locale.x=ar_EG