Скачать или смотреть FAHAMU TEKNOLOJIA INAYOTUMIKA KUVUMBUA NA KUCHIMBA VISIMA DUWASA

DON'T MISS "VITUKO VYA MORRISON NJE YA UWANJA NA NDANI YA UWANJA"
   • Видео   -~-
Mamlaka ya Majisafi na Usafi wa Mazingira (DUWASA) imetekeleza maelekezo ya Wizara ya Maji ya kufanya tafiti za kupata maji kwaajili ya eneo la uwekezaji wa viwanda la Nala jijini Dodoma.

Eneo hilo limetengwa rasmi kwaajili ya ujenzi wa viwanda na tayari limeanza kuwekewa miundombinu ya umeme hivyo DUWASA wanaendelea kutafiti upatikanaji wa maji mengi zaidi.

Akizungumza na waandishi wa habari jana katika eneo la uchimbaji Mtaalamu wa Utafiti wa Maji Chini ya Ardhi, Catherine Mwegubo, alisema wamekamilisha uchimbaji wa kisima kimoja na sasa wapo kwenye hatua ya kukisanifu na baadae kufanya jaribio la kupampu ili kujua uwezo wake wa utoaji maji.

“Tunafanya pump test ili kutusaidia pia kujua ni pampu ya aina gani inahitajika napia kujua kisima kinapoanzia,” alisema Mwegubo.

Alisema katika eneo hilo walibaini maeneo matatu ambayo yameonyesha dalili za uwepo wa maji na wameanza kuchimba eneo ambalo lilionyesha viashiria vikubwa vya uwepo wa maji.

“Hiki kisima kwa majaribio ya awali kinaonyesha kina uwezo wa kuzalisha lita 7,000 kwa saa moja lakini tunataka kudhibitisha kwa kufanya majaribio ya pampu,” alisema Mwegebo.

Alisema kisima hicho kina urefu wa mita 204 kutokana na tabaka la miamba ya maji katika maeneo hayo kuwa chini ikilinganishwa na eneo la Mzakwe.