Скачать или смотреть Emisioni 112, ep 17 - Ishte kthyer nga Italia, i riu thyen karantinën, shoqërohet dhe gjobitet 7 mln

Ishte kthyer nga Italia, i riu bëri karshillëk dhe ofendoi policët ndërsa kishte thyer karantinën, shoqërohet dhe gjobitet me 700 mijë lekë të reja!
Tirana në karantinë, policia aksion antidrogë natën në Selitë pas një informacioni/Pamjet ekskluzive në episodin 17.

Gazetar Antonio Çakshiri.
________
TIRANË - Emisioni 112 transmeton në këtë episod pamjet ekskluzive të ndalimit të një të riu që pak ditë më parë ishte kthyer nga Italia. Ai kishte shkelur vendimin për të qëndruar në vetëkarantinë në banesën e tij edhe pse kishte më pak se 14 ditë që kishte ardhur nga shteti fqinj.

Gjatë orëve të ndalimit të lëvizjes në pasdite, djali kishte kaluar pranë pikës së kontrollit tek Pallati me Shigjeta dhe u kishte bërë karshillëk policëve ndërsa kishte ofenduar njërin prej tyre e më pas ishte larguar me vrap. Thirrja me radio për ndalimin e këtij personi ju dha patrullave të komisariatit nr 2, me të cilat ishim edhe ne të Emisionit 112 të realizuar nga gazetari i Report TV Antonio Çakshiri.
Patrullat e policisë dhe efektivë këmbësorë ndalojnë djalin në rreth 1 minutë, 200 metra nga pika e kontrollit. Në mungesë të një mjeti ID ai u shoqërua në komisariat ndërsa nga verifikimet e bëra aty rezultoi se ishte futur në Tiranë nga Italia pak ditë më parë, pra kishte thyer afatin kohor 14 ditor të vetëkarantinimit në banesë pas kthimit nga jashtë dhe u ndëshkua me masën e gjobës 700 mijë lekë të reja.

Ndërsa qytetarët qëndrojnë në banesa për shkak të virusit COVID-19 efektivët e policisë janë në krye të detyrës. Një nga detyrat që policëve iu është shtuar së fundmi është evidentimi dhe gjobitja e qytetarëve që shkelin orarin e ndalimit të lëvizjes pa asnjë arsye. Për të parë momente të punës nga zbatimi i këtij vendimi jemi me efektivët e Komisariatit Nr.2. Rrugët e kryeqytetit janë bosh ndërsa nga efektivët u ndalua vetëm një qytetar që kishte dalë nga banesa pa asnjë arsye të rëndësishme dhe u gjobit me 10 mijë lekë të reja.

Në orët e mbrëmjes një informacion për një grup personash që po konsumojnë lëndë narkotike vë në lëvizje efektivët e policisë. Zona e raportuar ndodhet në Selitë ndërsa 3 patrulla policie zhvillojnë aksionin. Ju sjellim pamjet ekskluzive për këto ngjarje nga puna e policisë në Emisionin 112.