Скачать или смотреть ምልክት የሌለው የፅንስ መጨናገፍ (የፅንስ ሞት ) | Miscarriage without sign

ምልክት የሌለው የፅንስ መጨንገፍ የሚከሰተው ፅንሱ ማደግ ሲያቆም ወይም በማህፀን ውስጥ ሲሞት ነው። እንደ ደም መፍሰስ፣ የሆድ ቁርጠት ወይም የጀርባ ህመም ያሉ ግልጽ ምልክቶች ሳይታዩ የሚከሰት ነው። ይህም ጸጥ ያለ የፅንስ መጨንገፍ ወይም ጸጥ ያለ የፅንስ መውረድ በመባልም ይታወቃል።
ምልክት የሌለው የፅንስ መጨንገፍ ብዙውን ጊዜ የሚከሰተው በመጀመሪያዎቹ የእርግዝና ሦስት ወራት ውስጥ ነው። ይህም የሚታወቀው የእርግዝና ክትትል በምታደርጉበት ጊዜ እና የአልትራሳውንድ ቼክ አፕ በምታደርጉበት ጊዜ ነው። የሚሰጠውም ሕክምና በማህፀን ውስጥ የሚቀረውን የፅንስ አካል በመድሃኒት ወይም በህክምና ማስጠረግ ወይም ማህፀን በራሱ ያለውን አካል ጠርጎ የሚያስወጣ ይሆናል።

📌 ምልክት የሌለው የፅንስ መጨንገፍ መንስኤው ምንድነው ?
ልክ እንደ ሁሉም የፅንስ መጨንገፍ ዓይነቶች፣ ምልክት የሌለው የፅንስ መጨንገፍ የሚከሰተው ፅንሱ ሲሞት ወይም በማህፀን ውስጥ ማደግ ሲያቆም ነው። ይህ በፅንሱ ውስጥ ባለው የጄኔቲክ ችግር ምክንያት ሊከሰት ይችላል። አንዳንድ ጊዜ በማህፀን ወይም በማህፀን በር ላይ የሚፈጠር የመዋቅር ችግር ወይም የጤና ችግር ምክንያትም ይህ የፅንስ መጨንገፍ ሊከሰት ይችላል።
ሌሎች ምክንያቶችም አሉ። ለምሳሌ
➣ኢንፌክሽን
➣በሽታ
➣በእናትዬው ላይ የሚደርስ አካላዊ ጉዳት ወይም አደጋ
➣የእንቁላል እጢ ችግሮች
➣ያልታከሙ እንደ ስኳር እና የኩላሊት በሽታዎች ተጠቃሽ ምክንያቶች ናቸው።

የፅንስ መጨንገፍ ብዙውን ጊዜ ከወር አበባ ቁርጠት እና ከሴት ብልት ደም መፍሰስ ጋር በሚመሳሰል ህመም ይጀምራል። ነገር ግን ምልክት የሌለው የፅንስ መጨንገፍ አብዛኛውን ጊዜ ምንም ምልክት አይኖረውም። አንዳንድ ጊዜ ግን ቁርጠት ፣ ቡናማ-ሮዝ ወይም ቀይ የሴት ብልት ፈሳሾች ሊከሰት ይችላል። አብዛኛውን ጊዜ ግን መጨናገፉ እንደተከሰተ የሚያሳዩ ምንም ምልክቶች አይኖሩም።
አብዛኛውን ጊዜ ይህ የፅንስ መጨናገፍ የሚከሰተው የፅንሱ እንቅስቃሴ ከመሰማቱ በፊት ነው።
ምልክት የሌለው የፅንስ መጨንገፍ ቢከሰትም, የእርግዝና ሆርሞን አሁንም ከፍተኛ ናቸው። ይህ ማለት ልክ እንደ እርግዝናችሁ የጡት መወጠር ፣ ማቅለሽለሽ እና ድካም የመሳሰሉ የእርግዝና ምልክቶችን አሁንም ሊኖሩ ይችላሉ። ምንም እንኳን ከበፊቱ ያነሰ ቢሆንም ማለት ነው። የእርግዝና ምርመራም አወንታዊ ውጤትን ሊያሳይ ይችላል።

📌ምልክት የሌለው የፅንስ መጨናገፍ እንዴት ይታወቃል ?
ምልክት የሌለው የፅንስ መጨንገፍ የእርግዝና ክትትል በምታደርጉበት ጊዜ ይታወቃል። የአልትራሳውንዱ ምርመራ ፅንሱ ከእርግዝና እድሜው በጣም ትንሽ መሆኑን ሊያሳይ ይችላል ወይም የልብ ምቱ የማይታወቅ ይሆናል። ነገር ግን ከአምስተኛው እና ከሰባተኛው ሳምንት በፊት የልብ ምት ባይኖር ይህ የፅንስ መጥፋትን አያሳይም። ምክንያቱም የፅንሱ የልብት ምት መሰማት የሚጀምረው ከ አምስተኛው እና ስድተኛው ሳምንት በኋላ ስለሆነ ነው።
አንዳንድ ጊዜ የልብ ምት አለመኖሩን ለማረጋገጥ ዶክተራችሁ ሳምንት እና ከ 10 ቀናት በኋላ ሌላ አልትራሳውንድ ቼክአፕ ያደርጋል።
አልትራሳውንዱ በተጨማሪም ባዶ የአሚኖይቲክ ከረጢት ወይም የአሚኖይቲክ ከረጢት እንደሌለ ሊያሳይ ይችላል። በዚህ ሁኔታ, ፅንሱ ማደጉን ያቆማል ማለት ነው።
የደም ምርመራውም አነስተኛ የሆሮሞን መጠን ሊያሳይ ይችላል።

📌ምልክት የሌለው የፅንስ መጨናገፍ ህክምና ያስፈልገዋል ?
ህክምናው የሚያስፈልገው የሞተውን የፅንሱን ህዋስ ለማስወገድ እና የሚፈጠረውን ኢንፌክሽን ለመከላከል ነው።
ሕክምናው በተወሰኑ ሁኔታዎች ላይ የተመሰረተ ነው። ለምሳሌ ፅንሱ ያለበት የእድገት ደረጃ እና በሴቷ ፍላጎት ላይ ይመሰረታል።
ፅንስ ምልክት ሳይኖረው የሚጨናገፍ ከሆነ ለሳምንታት ያህል እንድትጠብቁ ዶክራችሁ ሊመክራችሁ ይችላል። ምክንያቱም የሞተው ፅንስ ወይም ያላደገው ፅንስ በራሱ ጊዜ ሊጠፋ ይችላል። ይህ በሚሆንበት ጊዜ ታድያ የደም መፍሰስ በመጨረሻም ይከሰታል። የደም መፍሰሱም የተበጣጠሰ ስጋ መሰል ነገር የቀላቀለ ይሆናል። እንዲሁም የሆድ ቁርጠት ያጋጥማችኋል።
ይህ ካልሆነ ግን የተሻለው ህክምና የሚሆነው መድሃኒት መውሰድ ነው።

➣የፅንሱን አካል ለማጥፋት የሚረዱ መድሃኒቶችን መውሰድ እና

➣የሞተውን ፅንስ ለማስወገድ የቀዶ ጥገና ሕክምና የሚሰጥም ይሆናል። ቁርጠቱንም ለማስታገስ መድሃኒት የሚያስፈልግ ይሆናል።
አንዳንድ ጊዜ ይህ የፅንስ መጨናገፍ ኢንፌክሽንን ሊያስከትል ይችላል። ለዚህም ጠንካራ ህክምና ያስፈልገዋል።
📌ትልቁ እና ዋነኛው ነገር ከዚህ የፅንስ መጨናገፍ በኋላ የሚፈጠር በስነ ልቦና በኩል የሚሰማችሁ ህመም ነው። ማለትም ብዙ ነፍሰ ጡር ሴቶች ይህ ክስተት በሚያጋጥማቸው ሰዓት በድጋሜ ማርገዝ አልችልም ወይም በድጋሜ ልጅ ይሞትብኛል ብለው ስለሚያስቡ የሚፈጠርባቸው ፍርሃትና ጭንቀት የከፋ ይሆናል። በዚህም ምክንያት በድጋሜ ለማርገዝ ይፈራሉ። ነገር ግን ማወቅ ያለባችሁ ነገር ይህ በእናንተ ጥፋት ምክንያት የሚፈጠር ክስተት አይደለም። ተፈጥሮአዊ የሚያጋጥም አደጋ ነው። ስለዚህ ይህ ከተከሰተባችሁ አእምሮአችሁን በጭንቀት አትጉዱት። ክስተቱ ቢፈጠርም በድጋሜ ሙሉ በሙሉ ጤናማ እርግዝና መፈጠር ይችላል።
ማድረግ ያለባችሁ ወዲያውኑ ለማርገዝ ሙከራ አታድርጉ። በአካልም በመንፈስም ጤናማ በምትሆኑበት ጊዜ በድጋሜ ሙከራውን እንድታደርጉ ይመከራል።

#ebs
#ethiopia
#ጤና